◤紅軍研究所◢ - ☆ You'll Never Walk Alone ☆ 永不言敗！ [復制鏈接]

感覺中場多左基達後，整個中場既效能都提升不少。連帶杜姆都好似好波左。中間多左個人可以負責帶生個波，杜姆、軒臣或米拿都可以做少辦，專注其他工作。所以效果都好左。甩漏都少左。有一段時間，甚至你分唔到邊個係杜姆，邊個係基達。以為呢球比得好靚喎，基達。睇真D ，原來係杜姆。


前面三叉擊既威力絲亳不減。可能暫時法明奴都仲未係好FIT 。但相信一兩場過後佢會漸漸跟番上個節奏。但文尼個狀態就無得頂了。比起上季，有更明顯既躍進。踢得更全面。而且佢同基達、沙拿都好鬼夾（基達真係好似同邊個都夾到的）。


後防有雲迪克坐鎮，今季仲要加多個艾利臣。即刻感覺好似CPU 升左兩級咁。成個陣容比人好隱健既感覺。AA 都少左不必要既輕出同大意波。標波唔會亂標，迫搶做得好足。上場話佢出波差左，今場改善好多了。即使未係最佳，都有上季最佳狀態時既七八成。兩閘宜家比人既感覺係攻守皆宜。事實上，宜家利記個打法真係讓兩閘參予度大增。幾乎球球進攻都關兩閘事。

高美斯作為中堅既替工。無可挑剔。我擔心佢再繼續成長落去，馬迪普好番哂都未必可以搶番個正選番黎做。佢再操番大件D 就更加好！

場上個十一個都OK，後備席仲坐住史毒、沙基、LALALA，軒達臣、馬迪普…………呢個後備陣容。無憾了！


宜家既利記，攻守都齊備。板凳深度亦足。對中下游應該唔會再有以往個種攻極都唔入既問題。至於強強對疊，就要一場場計。好難講。睇發揮！如果要講仲差D 咩，應該就係遠射…………真係缺左一個遠射既能手。










又諗番OX………………

分唔清基達同杜姆呢個point，我睇第一場既時候因為用手機睇，我直情分唔到Mane、基達同杜姆......

謝拉傑:分唔清基達同杜姆呢個point，我睇第一場既時候因為用手機睇，我直情分唔到Mane、基達同杜姆...... (2018-08-21 15:02) 

我用42吋電視睇架！都成日攪錯。

而家呢隊比起謝老四+S9 年代 , 簡直過之而無不及

我都覺得係時候要拎返次冠軍了

freezefox:感覺中場多左基達後，整個中場既效能都提升不少。連帶杜姆都好似好波左。中間多左個人可以負責帶生個波，杜姆、軒臣或米拿都可以做少辦，專注其他工作。所以效果都好左。甩漏都少左。有一段時間，甚至你分唔到邊個係杜姆，邊個係基達。以為呢球比得好靚喎，基達。睇真D ，原來係杜 .. (2018-08-21 14:52)

連我地都讚Wijnaldum, 佢既進步真係好驚人! 仲有件Fabinho未有辦睇, 對強隊會用得著.

文尼著起10號, feel到佢既心態唔同咗, 佢唔要做二號人物, 佢想做首席!! 第二球個種狠勁, 我可以跌低,但我選擇企起身去埋搞掂.......有十二碼又唔係我有得射. 正到爆!

借人幅圖一用, Alisson上場的passing

posouth:借人幅圖一用, Alisson上場的passing [表情]
[圖片] (2018-08-22 08:53) 

州際導彈………

我上季鬧杜姆鬧足一季………


法賓奴一定唔會係對強隊時出場。如果高普覺得可以派佢上陣了。一定會逐D 逐D 安排佢既上陣時間。宜家杜姆、米拿、軒神都FIT 。軒臣都係排緊隊。法賓奴好難咁樣橫空插入黎。

又或者會係杯賽派佢上陣，用表現說服隊友、球迷佢既正選位置。

Alisson 好鬼有台型........ 卡仔,米奴 呢d邊有呢個勢......

廢托:Alisson 好鬼有台型........ 卡仔,米奴 呢d邊有呢個勢...... (2018-08-22 10:07) 

咁人地係一早成名既國家隊一號門將。你又好難拎米奴列同K1 同佢比既。

艾利臣如果係大學畢業，K1 岩岩先升中六咋。

freezefox:咁人地係一早成名既國家隊一號門將。你又好難拎米奴列同K1 同佢比既。
艾利臣如果係大學畢業，K1 岩岩先升中六咋。 (2018-08-22 10:28) 

所以利記後防即時升晒呢........

Alisson 個款似似地以前Kahn  , 不過應該無佢咁惡......

freezefox:我上季鬧杜姆鬧足一季………[表情]
法賓奴一定唔會係對強隊時出場。如果高普覺得可以派佢上陣了。一定會逐D 逐D 安排佢既上陣時間。宜家杜姆、米拿、軒神都FIT 。軒臣都係排緊隊。法賓奴好難咁樣橫空插入黎。
....... (2018-08-22 09:59) 

又一個俾我地利迷鬧到成材了
  

老狐係咪2場利記波都睇哂? 今場表現其實值唔值得贏?

posouth:連我地都讚Wijnaldum, 佢既進步真係好驚人! 仲有件Fabinho未有辦睇, 對強隊會用得著. [表情]
文尼著起10號, feel到佢既心態唔同咗, 佢唔要做二號人物, 佢想做首席!! 第二球個種狠勁, 我可以跌低,但我選擇企起身去埋搞掂.......有十二碼又唔係我有得射. 正到爆! [s:163 .. (2018-08-22 07:42) 

法賓奴有排都上唔到陣。

睇左唔少報導，都指高普覺得法賓奴黎左之後既表現未如佢心目中的水準，所以要再觀察。

我估唔係本身質素問題，而係同球隊個form夾唔夾既問題。

謝拉傑:法賓奴有排都上唔到陣。
睇左唔少報導，都指高普覺得法賓奴黎左之後既表現未如佢心目中的水準，所以要再觀察。
....... (2018-08-22 11:52) 

I see, 唔緊要, 新環境新球隊, 最緊要我地呢一刻夠人腳. 盃賽見......