琴日睇曼城對WBA個場, 好諗番起軒仔講個句, everyone need to chip in on goals, 唔單只係我地三個前鋒的事. KDB受傷, 理應好打擊曼城的攻擊力, 偏偏就整場5:0比人睇曼城唔係得KDB, 係個個都入到波. 我諗除咗之前我地數水晶晶個場有好多個唔同利記球員入球外, 呢點我地真係弱好多.
另外我諗係整體的合作性同專注度, 前兩季的我地, 一樣可以好似曼城上場咁, 中堅踼到上攻中位, 隊友互相的傳球走位到位, 唔使好吃力但整體控制哂戰局. 好耐冇見到利記踼到呢個水準. 好多時候換黎係擺高防線, 但同時傳球/走位大意, 一下傳失或俾人逼甩就出事. 變咗都係踼控場, 但有形無實