◤紅軍研究所◢ - ☆ You'll Never Walk Alone ☆ 永不言敗！ [復制鏈接]

最後一分鐘，成班踢到慌失失咁，波都拎唔到⋯⋯⋯全無戰意⋯⋯⋯⋯


無軒神在陣就係咁。

Wijnaldum好似都無心踢咁

freezefox:最後一分鐘，成班踢到慌失失咁，波都拎唔到⋯⋯⋯全無戰意⋯⋯⋯⋯
無軒神在陣就係咁。 (2021-04-25 09:19) 

基本上由上季季尾無觀眾起就好唔專心, 好多大意波.

前面的把握力差到.....ok, Salah個球係難度9.9但又入到, 其實機會易食好多又食唔到. 今日的機會黎講, 臨尾應該係領前緊3:0, 正選可以休息下, 最後加時俾人破蛋帶少少遺憾個隻, 而唔係失分收場!  

ＴｕＮｇ:Wijnaldum好似都無心踢咁 [表情]  (2021-04-25 09:46) 

我覺得長期搵中場去踢中堅位，真係最大問題。


一次半次頂下無所謂。長期係咁，中堅位比你補到，但中場既防守力就持續下跌。 仲要泰阿高唔係個啲好勇悍既中場攔截型。中間真係成日比人打穿！

睇返今季，成績最差個段，就係調動中場打中堅個段，不論係法賓奴也好， 軒達臣也好。 前幾場翻生，就係正正經經搵返兩個中堅打返中堅，中場打返中場，各司其職。 呢一兩場又要中場做替工⋯⋯問題又出現了⋯⋯⋯


當然，關鍵仍然係⋯⋯⋯ 入球能力大減。 如果我地入球能力提升返，就算後面失波，前面入返就無問題。今場都係架。 如果一早入到第二球，分分鐘個結果就係 2: 1、甚至可能係  2: 0 或 3: 1 。 拎左保險球，成班又會踢得生啲，無咁慌失失⋯⋯⋯講到尾，都係入球能力大跌既問題。  

但無辦法，今季頭頭尾尾傷左幾多個中堅？


連菲臘斯都可以踢幾場又傷⋯⋯⋯⋯ 你搵邊個領隊黎教都係死⋯⋯⋯⋯根本無得攪？ 我未見過有一隊波可以咁樣長期集中傷同一個位置的⋯⋯⋯


真係黑到一個點！

freezefox:但無辦法，今季頭頭尾尾傷左幾多個中堅？
連菲臘斯都可以踢幾場又傷⋯⋯⋯⋯ 你搵邊個領隊黎教都係死⋯⋯⋯⋯根本無得攪？ 我未見過有一隊波可以咁樣長期集中傷同一個位置的⋯⋯⋯
....... (2021-04-25 15:28) 

英冠買返黎果個去左邊

ＴｕＮｇ:英冠買返黎果個去左邊 [表情] (2021-04-25 20:39) 

之前又係傷左。


宜家唔知了⋯⋯⋯

ＴｕＮｇ:英冠買返黎果個去左邊 [表情] (2021-04-25 20:39) 

Ben Davies? 一D聲氣都無, 明明係英冠最出色的中堅之一, 係利記隊中反而更低於Phillips同R.Williams的排位, 好似bench都無坐過?

好似幾個星期前都有人追問Klopp, 但都係比D「行」的答案, 例如講番Robertson當年都等咗半年先ready, 有得一次機會.

呢個大概係佢的出發點, “It will take as long as it takes. But the problem was that it was clear that we will not start with two new centre-halves if we don’t have to because of the situation."

曼城贏League Cup, 即係好大機會聯賽第7都有Europa Conference資格.

聖誕期間仲係食緊大茶飯, 講緊早早CL出局好過, 專心「齋」羅個聯賽算數, 個種目光同口氣, 點估到4個月後, 會係到計邊隊邊隊贏League Cup / FA Cup, 我地就有機會入UECL? 足球真係咩都可以發生, 見識到了.......

高普最大問題係明知前面3個狀態唔好都唔肯換
明明仲有沙基利可以試下

ＴｕＮｇ:高普最大問題係明知前面3個狀態唔好都唔肯換
明明仲有沙基利可以試下 [表情]  (2021-04-27 05:26) 

唔知了, Shaqiri可能都係中游班的命, Bayern, 利記入面的表現都唔出眾, 係去到Stoke City個D先好標青.

以Klopp的standard, 最近Mane又坐凳, Salah又坐凳, 算好多輪換.....

官網見到, Harvey Elliott係三個英冠最佳Young Player of the Year的候選人之一!

............................同時發現, 原來佢係有頭髮的.......

踼到最後幾場, Thiago終於第一隻goal, 都仲係等緊佢第一隻assist. 完全係反映我地今季有幾唔掂.

中場最「好」成績的兩個Wijnaldum同Henderson, 一個2G1A, 一個1G2A. 最後四場了, 爭唔爭到第五完全係自己手上, 上吧!

睇咗場AC米蘭對祖雲, 祖雲慘敗. 佢地同我地的情況都類似, 上季冠軍, 宜家去到最後幾場都仲係爭緊頭四, 都係命運唔係係自己手上, 要靠樓上失分.

隨時真係下季歐霸見.......

估唔到阿記贏到車仔! 咁玩法, 再下星期李斯特城要對車仔, 必有人失分. 即係頭四命運再次掌握番係自己手中, 但一分不可少, 由對曼城呢場開始!!