長遠睇, 我覺得利記要發圍, 呢個夏天就係時候了. Klopp份約到2024, 即係仲有兩整季. 利記一直以低過市價的人工可以簽到咁多好野, 好大程度係D球員想加入Klopp呢個project, 平少少都唔介意. 到Klopp走咗, 或者佢最後一季時, 號召力已經差一截. 仲有邊個星級少少的, 真係盡快簽了. 宜家覺得貴, 到時仲貴, 仲難簽, 利記呢幾年一直keep住可以話係英超數一數二, 唔係必然, 要將Klopp的牌子用到盡.
諗起Rodgers走時, 起碼都仲留低幾件高質的, 好似Firmino, Coutinho等等. 去到下一手, 自用好, 賣走用. 唔好俾呢7-8年咁奇蹟的革命一下子就完結.
我的看法少少現實. 頂級聯賽始終係金錢遊戲, 長遠始終都係夠資源的贏多, 城/車/曼, 加埋黎緊兩季好可能發圍紐卡素. 如果Klopp離開前可以羅多一次聯賽冠軍, 我會覺得已經係完成mission impossible. 之後好有機會番番去每年爭頭四, 真係最後兩季機會. 今季當算了.
現代足球資源行頭的環境, 利記無條件重覆80年代的皇朝, 但如果目標指向好似2000s的Valencia, 2010s的Dortmund, 2020s的Inter, 將一隊睇黎唔可能打敗的球隊唔只一次拉下馬, 以利記的程度, 我覺得係做到的.
................黎緊兩星期無波睇+FPL, 有感而發