無線已落實明年初開拍《衝上雲霄》續集，但由於未能與吳鎮宇就酬勞問題達成共識，現正積極游說方中信加入，而宣萱及汪明荃亦已答應演出。
無線劇集《衝上雲霄》03年播出時曾掀起熱潮，除帶挈吳鎮宇、馬德鐘及陳慧珊人氣急升，更成功捧紅劇中「S4」吳卓羲、黃宗澤、陳鍵鋒及馬國明，所以無線一直屬意原班人馬拍續集，希望能再次成為城中話題之作，無奈一早講明「向錢看」的鎮宇，跟無線傾談多次不果，最後惟有找來「港版李察基爾」方中信夥拍宣萱，劇集更會遠赴莫斯科及英國取景。
本報昨日就此事聯絡方中信，他承認獲無線邀請拍續集，至於是否演「型男」機師時，方中信笑說：「我都以為係做飛機師，但佢地係搵我做地勤，真係有o的失望！除非無線改個劇名叫《衝上雲霄之地勤工程師》，以地勤為主啦！不過因為我明年o既工作已經定o左，檔期方面有o的問題，依家仲未知拍唔拍到，但我本身都好有興趣。」
至於宣萱則承認一早已接拍《衝上雲霄》續集，對於上輯吳鎮宇與陳慧珊的「情侶檔」相當成功，宣萱自言未會因而感到壓力，只會以平常心演出。
