[轉載]-各論壇都熱到爆既論題-肥肥~放生別人等於放生自己 [復制鏈接]

贈肥肥10個字~”放生別人 等於 放生自己”

以為肥肥係鬼門關走了一趟﹐對人生會大徹大悟!! 會收下把臭口!
點知日前又見佢向前夫發炮﹐響媒體面前放話﹐大數秋官孤寒﹐話秋官唔肯幫佢找醫院條數﹐又搬埋肥豬扒出來博同情﹐話成件事係得佢個女一力承擔﹐秋官只係到過醫院4次探望佢。。
肥肥﹐我想借問聲﹐妳咁多年來又點對秋官?

你地都已經分開左接近20年﹐秋官依家都有自己既家庭﹐點解妳要搞咁多小動作?係咪想破壞人地既家庭﹐妳先安樂?
　　　　
係10幾年前﹐你接受過無數報章訪問﹐最記得有篇訪問話到妳老母見到妳為左離婚一事而日漸消瘦﹐結果
妳老母就同妳講:"妳咪當前世欠下呢個男人今世還番晒比佢羅"﹐哇﹐好似講得秋官好衰咁﹐之後妳又連續2次(唔同年份)係麗花皇宮里頭唱衰秋官﹐話秋官係妳大緊肚個時候拋棄了妳兩母女﹐想博盡大家對妳既同情之心﹐破壞晒秋官既形象﹐當記者係節目完畢之後﹐同妳做訪問妳話妳就話:"我已經釋懷左喇﹐可以同秋管再見亦是朋友"﹐結果無耐又見妳係獎門人節目里大聲公開講:我最憎官晶華!!!

　　
搞到秋官鬼死咁尷尬﹐又比媒體追問起妳地兩個之間以往既恩怨!
之後妳再做"掌聲的背後"
妳係節目里頭又再話:"我同秋官分左手都係朋友﹐大家都好關心對方架"!!
妳係節目里比大家睇到你"公器私用"﹐妳攻心于計﹐想向官晶華示威﹐所以妳到節目結尾時﹐搵機會逼秋官向妳講"yes"﹐我有愛過妳。。。正當大家都以為妳目的達到後﹐會收手﹐"一笑泯恩仇"。。。　　點知﹐妳去到台灣做節目﹐就毫無口德﹐大爆秋官精子弱一事﹐搞到秋官係香港抬唔起頭。。最過份就仲有就係 ﹐妳仲當住妳個女面前講D咁既野!

之後﹐台慶夜﹐妳再下一城﹐又借機會諷刺秋官為左食散餐結果失去全餐。。　　到底﹐妳搞咁野係咪想徹底破壞秋官?因為妳得唔到佢﹐所以20年來妳一直都搵機會奚落佢?等佢永遠都抬唔起頭來做人?
　　　　
再之後﹐妳接受志雲飯局訪問﹐妳又舊事重提(其實妳同秋官既事唔需要成日掛響嘴邊﹐由妳做麗花皇宮﹐20來接受過無數媒體訪問都不停提及妳兩個既恩怨情仇。。。大家都聽到厭喇﹐背都背得出。。)到尾﹐妳又話:我已經釋懷喇!!!
　　　　
到最近﹐肥肥妳重病入院﹐秋官不計前嫌﹐都有去過醫院探望妳﹐佢以德報怨既態度﹐大家都以為妳會感動。。點知日前妳出院後﹐又再發神經﹐力數前夫既不是。。。真係令人覺得妳份人真係越來越過份。。所謂一段姻緣不能開花結果﹐雙方面都責無旁貸的.

就如我所料﹐事情已經演變到不可收拾既地步﹐啞忍多年既官晶華終於忍唔住出聲反擊﹐相信來緊幾日秋官實耳根難清靜﹐受苦同埋最可憐既就係鄭少秋。　　　　其實我同官晶華談不上話認識﹐但我同佢其實係有一面之緣﹐話說幾年前我港大畢業後﹐有幸加入電視台做幕後工作﹐雖然只係短短3個月﹐但我最記得在我加入電視台工作無幾耐﹐就有幸隨大隊參與一個海外function,我好記得當時有好幾個藝人一齊參與活動﹐其中包括有鄭少秋﹐我仲記得當時活動完畢之後﹐所有人都有出席慶功宴同埋記者會﹐我有留意到一個情景就係﹐當時有一個女人一直係秋官身邊打點一切﹐當有好多記者圍住秋官做訪問既時候﹐佢就會默默地退向一邊 ﹐當記者採訪完畢之後﹐要拍照既時候佢就會行前幾步幫秋官整好D衫﹐我記得當時有D記者就建議佢一齊企埋同秋官影番張相既時候﹐佢就立即面帶笑容好有禮貌咁以一口不咸不淡既廣東話講:唔好喇!你地影啦!

雖然佢拒絕影相但都好有禮貌﹐佢比我既印象係一個甘心洗盡鉛華默默地做一個安份既背後女人﹐不愛出風頭﹐不愛博出鏡。。默默地支持深愛既男人﹐當時佢比我既印象就係佢面上常掛著笑容﹐親切。。(但今日報章就登出佢既近照﹐我驚覺佢既容貌已同幾年前有好大既分別﹐變得好殘好憔悴了。。相信肥肥入院單野真係帶比佢好大既困擾)。企係旁觀者角度來睇番成件事﹐我覺得肥肥份人要見好就收﹐無再搞咁多無謂既小動作喇﹐由佢出院到依家﹐佢接受"東張西望"既訪問時﹐口口聲聲猛贊自己既女有幾掂﹐面對媒體可以從容應付﹐但對於前夫就半句感激既話都無講﹐大家平心以論﹐有邊個男人可以做到好似秋官咁?前妻有病佢可以做緊演唱會都多次抽出時間去探望﹐前妻交待話希望秋官可以公平咁對待個女﹐結果秋官就安排2個細女陪同肥女去睇戲﹐仲要高調咁比D記者影埋相﹐當係證據比肥肥睇 ﹐結果人地依家出左院半句多謝都無﹐仲埋怨話出左院後﹐前夫都無去佢屋企探望﹐(大佬﹐人地已經仁至義盡喇﹐仲想人地上來屋企探望妳﹐真係過份之過份)。依家肥肥仲大念頭希望前夫幫佢清醫藥費﹐已經分左19年啦﹐仲邊有責任再要照顧對方﹐更何況秋官仲有另一個家庭要養﹐如果肥肥真係有良心既就希望佢會向記者交待自己會負責番條數﹐唔好再煩秋官啦﹐就當比條生路秋官去行。生命無take two,死過番生既肥肥應該要明白當中道理﹐上天比條生路妳行﹐妳就要醒覺下﹐放下心中怨恨﹐過去已經過去﹐妳何必要搞到人地家庭不和呢?　　
大家都知道妳當初係有幾深愛秋官的

以上都是轉載其它論壇的, 覺得如果是真的話肥肥仲都幾霸道, 大家又點睇呢?

以前有一單野...好似同翁美玲的死有關的...

傳說同肥肥有關......

不過呢單新聞講真...我無乜興趣