【紅 魔 鬼 曼 聯 王 朝 討 論 區 】 [復制鏈接]

chun1424:你睇尋日普巴踢到，完全係無心裝載。求求其其。最好你以後唔好出我。快快趣趣賣走我。梗本都無心爭取表現！
 (2018-08-20 11:39) 

又咁講丫
其實佢踢得有火,想贏,其他人唔係好見得有

有球交橫出界,你可以話佢交失波,但點解羊交完波就行返後,唔follow上呢?
上腳多又係咪自己人得個企,唔現位俾佢交呢?

成隊得lin平時似踢緊波周圍走,其他人都係行行企企
lulu都講到口臭,高波頂唔到,地波控唔掂
爆炸出來個幾下控波都已經好大對比
都唔好講個球順腳射出界

其實去到呢一刻，兵將之間既鴻溝，都唔駛傳媒講，球迷自己睇都睇到。


將曼聯今日既不濟怪哂摩連奴一個又好似唔太公平。但事實係，要解決宜家既困局，真係得炒左摩連奴呢一個方法…………睇唔到有其他出路…………

滅羅:又咁講丫
其實佢踢得有火,想贏,其他人唔係好見得有
有球交橫出界,你可以話佢交失波,但點解羊交完波就行返後,唔follow上呢?
....... (2018-08-20 12:56) 

Paul Pogba: 'Brighton had more hunger - we did not deserve to win'

“We did not deserve to win,” said Pogba, who scored a late penalty in this humbling 3-2 defeat. “The attitude we had was not like wanted to beat them. They had more hunger than us.

“I put myself first, my attitude was not right enough. We keep trying and pushing, and it is going to be a big lesson for us.”

https://www.telegraph.co.uk/football/2018/08/19/paul-pogba-brighton-had-hunger-did-not-deserve-win/

至少都肯認衰gei

出個有鬥心既 Herrera 好過啦

freezefox:其實去到呢一刻，兵將之間既鴻溝，都唔駛傳媒講，球迷自己睇都睇到。
將曼聯今日既不濟怪哂摩連奴一個又好似唔太公平。但事實係，要解決宜家既困局，真係得炒左摩連奴呢一個方法…………睇唔到有其他出路………… (2018-08-20 14:15) 

班球員連天才波都唔肯打
我地球迷就得一個諗法,到底平時練波練乜

總有球員唔跟戰術踢,自己踢自己認為岩個套,而家係連尼樣都無埋
成班無戰術,企係到咩都唔做

滅羅:班球員連天才波都唔肯打
我地球迷就得一個諗法,到底平時練波練乜
總有球員唔跟戰術踢,自己踢自己認為岩個套,而家係連尼樣都無埋
....... (2018-08-20 15:21) 

戰術要整體去執行先會執行到。得幾個人跟，其他幾個唔跟，打出黎就會不倫不類。


例如迫搶。你得山齊士一個搏哂老命去撲，其他人唔FOLLOW ，咁就完全無可能打到迫搶戰術。只會撕破自己既隊形。


有時成隊波，得一個位出現缺口，都夠你死。何況宜家曼聯，三四個位出現缺口。其他人幾有心踢都無可能做到效果出黎。


何況仲要，其他人其實都唔係真係咁有心去執行個套所謂既戰術。而部分更加係無能力執行有關戰術（例如盧卡古）。

羅力亞:Paul Pogba: 'Brighton had more hunger - we did not deserve to win'
“We did not deserve to win,” said Pogba, who scored a late penalty in this humbling 3-2 defeat. “The attitude we had was not like wanted to beat them. They had more hunger than us. .. (2018-08-20 14:25) 

我有睇尼段新聞
我無懷疑過普巴,佢踢中場,唔應該下下用入波助攻去衡量佢
我相信佢係屬於冠軍級別球員,曼聯未來10年都應該要有佢

而家只係因為佢身價問題,就變成踢腳波都係原罪
進攻只睇佢有冇入波,唔會留意其實個攻勢係由佢發動/策劃
防守就只會放大佢唔拍人,唔勤力,無留意下d企位/協防

當話佢琴晚場波交左右都交失,自己下下去扭
其實會唔會係羊交完波自己歸宿無跟進同埋其他球員無現位俾佢交,
等對方球員可以好輕易夾到佢甩呢?

你話尼段新聞行貨又好咩都好,起埋俾左隊長佢做,講野似d樣

利申,本來迷摩,今年開始反了

freezefox:戰術要整體去執行先會執行到。得幾個人跟，其他幾個唔跟，打出黎就會不倫不類。
例如迫搶。你得山齊士一個搏哂老命去撲，其他人唔FOLLOW ，咁就完全無可能打到迫搶戰術。只會撕破自己既隊形。
....... (2018-08-20 15:40) 

講起lulu
頂波都已經fail,控波又fail
琴晚球波自己搵到機會都射成咁
都唔知幾耐無見過曼聯前峰可以差成咁
有時唔只係daddy有問題,堆球員都好大問題

好彩琴晚有事睇唔到呢場波, 唔係實小  
摩佬又黎第三年魔咒..所以唔明點解會同佢續咁耐約

extra:好彩琴晚有事睇唔到呢場波, 唔係實小[表情]  
摩佬又黎第三年魔咒..所以唔明點解會同佢續咁耐約[表情]  (2018-08-20 15:53) 

你就好啦
睇完唔多訓得著

滅羅:你就好啦
睇完唔多訓得著 (2018-08-20 16:16) 

等摩佬比人炒啦
換個人可能會好D, 至少輸都唔一定成場悶波

滅羅:講起lulu
頂波都已經fail,控波又fail
琴晚球波自己搵到機會都射成咁
都唔知幾耐無見過曼聯前峰可以差成咁
....... (2018-08-20 15:50) 

其實任何一個球員都唔會係完美。有強項，自然有弱點。領隊個責任就係，除非你唔用佢，否則就應該諗辦法發揮佢既強項，隱藏佢既弱點。少部分球員可以透過改造黎適應新既位置，新既戰略。但大部分既球員都只能夠發揮自己本身既天賦。


盧卡古既弱點，係國家隊無咩？一樣有。不過盡量被淡化了。國家隊唔打算要佢一個人係人地禁區控球，護球，二傳！盡量發揮佢步大力雄，爆發力強既優點。比佢係兩邊切入，而唔係要佢打中鋒！把握力唔強，但只要比多幾次機會佢，入球能力係有的。


之點解話佢係弱隊殺手，係強隊身上拎唔到分就係咁解了。對弱隊，你供應多，佢三次黃金機會把握到一次咪有波入囉。一場往往有五六次甚至更多既黃金機會。梅開二度非難事。但對強隊，成個上半場就係得個一次機會。你把握唔到就無了。



摩連奴唔知點解咁執著，一定要個個球員做個樣野。即使係明知佢唔係最佳人選。之前要靴里拉打防中。宜家輪到P仔。與其話改造，不如話摧毀一個有天份既球員，夾硬質落你個套戰略入面。技術型既球員，係摩佬手上，可以「逃出生天」既真係無幾多個。你一係就踢到C朗、世三個個級數。咁你都仲有得SAY…………馬迪爾、馬達呢類，實無運行。

freezefox:其實任何一個球員都唔會係完美。有強項，自然有弱點。領隊個責任就係，除非你唔用佢，否則就應該諗辦法發揮佢既強項，隱藏佢既弱點。少部分球員可以透過改造黎適應新既位置，新既戰略。但大部分既球員都只能夠發揮自己本身既天賦。
盧卡古既弱點，係國家隊無咩？一樣有。不過盡 .. (2018-08-20 17:13) 

你知 我知 單眼佬唔知

滅羅:又咁講丫
其實佢踢得有火,想贏,其他人唔係好見得有
有球交橫出界,你可以話佢交失波,但點解羊交完波就行返後,唔follow上呢?
....... (2018-08-20 12:56) 

佢果種火, 只係因為係用佢所謂既 "技術" 過唔到人, 球證唔吹既火

昨晚馬迪同山齊士唔見左 後備都冇