大家再留心睇下。
當普巴拎到個波個一刻 ,已經有兩個熱刺球員夾擊,第一下,佢右邊係完全無位可以傳送的。佢一個轉身轉去左邊,企圖帶生個波。呢個時候,兩個熱刺球員,一個近身迫搶,一個處於佢身前幾碼既範圍內,封截佢既傳球路線。佢第一個轉身,的確係有解圍既機會。就係上面所講,大腳堀上去,先解燃眉之急。控球權云云話之佢。佢無選擇咁做。繼續護波。呢個時候,佢右邊既位置,係有好大好大既空檔,無人進駐。本來,呢個係一個佢最佳既解圍支援點。但無支援………
咁左上角既HEHE 呢(應該係HEHE 啦),其實本來迫佢既熱刺球員,因為要封截普巴,已經無胋身跟佢了。佢係應該有更大既自由度,走位接應的。但佢亦無咁做。
普巴係護球最後個幾秒,係不斷地望左望右,望下隊友既支援到未!可惜,望左兩望,人影都唔多見。可能人人都認為,普巴係應該有能力,一個挑兩個,連扭兩人,帶出重圍吧。所以根本無打算支援。
然後,第三個熱刺球員都殺埋上黎,夾擊普巴。當你比三個人夾擊時,你其實都真係無咩可以做。踢出界都不失為一個選擇。
又或我地又咁諗,如果普巴一個引到三個對手球員黎夾擊,咁照道理,曼聯陣中,至少有兩個球員無人跟無人拍。點解佢地唔做多少少野呢?
[ 此帖被freezefox在2018-08-29 10:55重新編輯 ]