《阿 Sa 真人 Show 》惡評如潮|【娛樂新聞】 - 【好友論壇】- 以足球會好友

離線tom

特級會員

發帖: 15120

好友元: 1742

閱讀權限: 15122

貢獻值: 0

只看樓主倒序閱讀使用道具樓主發表于: 2007-12-15

蘋果日報 2007-12-15 娛樂版　
蔡卓妍因主演的節目《阿 Sa 真人 Show 》惡評如潮，慘遭網友陳列四宗罪，坦言此事是她今年最不開心的一件事。

真人 Show 亂剪靠害　惡評如潮
阿 Sa 怨 TVB ：我都冇收錢
蔡卓妍（阿 Sa ）為無拍攝的節目《阿 Sa 真人 Show 》，日前播出首集後，阿 Sa 即被網友批評得體無完膚，她前晚出席新戲宣傳活動時，強調自己拍這個節目沒收錢，她說：「我有唔開心，因為播出畫面只係一部份，好多大家睇唔到，因為剪去。」明顯埋怨無將節目剪得支離破碎，令她慘成箭靶。

無於周日晚（ 9 日）首播的《阿 Sa 真人 Show 》，節目概念被指抄襲美國大熱節目《 The Simple Life 》，同樣以真人騷作招徠，美國版本由富家女 Paris Hilton 跟 Nicole Richie 打工為主題，盡顯二人的無知及嬌縱，而剛播出的《阿 Sa 真人 Show 》則找來蔡卓妍與張致恆（ Steven ）到豬場工作，由攝製隊將整個過程拍下，務求將阿 Sa 最真實的一面呈現在觀眾眼前。

對於被指在豬場勞動時擺款，阿 Sa 強調觀眾只看到事實的一部份。
被網民指貪靚只顧補妝，阿 Sa 解釋只是因劈竹時有碎屑入眼才用棉花抹走。　
認嘴藐藐
「冇人踩屎會 feel happy 」
可惜節目播出後惹來劣評如潮，大批網友直指阿 Sa 嬌生慣養，還列出她四宗罪，包括不尊重農夫工作；勞動期間忽然補妝兼搽花露水，太過姿整；當 Steven 手指受傷後，阿 Sa 未有關心他，欠缺同情心；還馬上指使 Steven 工作，態度散漫。前晚阿 Sa 、周杰倫和陳柏霖在銅鑼灣為明年 2 月 7 日上映的賀歲電影《功夫灌籃》宣傳時，就網民力數她的四宗罪回應說：「覺得今次拍呢個節目係自己體驗，因為我讀完書第一份工就係入娛樂圈，好多未體驗過，呢個節目拍 3 日，個節目得半個鐘，廣告又去 10 分鐘，實際剪埋得 20 分鐘，有大家睇唔到，咁電視台一定要剪最啜核同最好笑畀觀眾睇。」
阿 Sa 續說：「自己有唔開心，因為播出畫面只係一部份，好多大家睇唔到，因為剪去。」對於網友還批評她工作態度散漫，阿 Sa 說：「都叫有人討論，總好過冇人理，自己拍得好辛苦，真心講農夫好偉大，同強哥（豬農）大家有聯絡。」其後她再為只顧補妝及搽花露水一事解釋說：「補妝係因為劈竹整到碎入眼，唔通唔抹咩？而花露水唔係我用，係工作人員用驅蚊。」
阿 Sa 越說越激動，此時語氣開始帶點憤怒，她說：「唔可以話自己冇錯，但真係好唔開心，拍呢個節目，自己都完全冇收錢，只係想去體驗，我唔係收錢而拍得唔專業，我從來唔覺得自己工作唔專業，公司都有打畀 TVB 反映，希望遲出碟可以出長個過程，今次真人騷只係想流露自己真性情。」面對外間批評之聲不絕，問阿 Sa 再拍此類節目會否繼續流露真性情？她說：「未必會，之前同 Mani （阿 Sa 經理人）傾過，覺得自己今次咁拍唔係咁 work ，下次再有機會會掩飾番自己。」

提到節目中有一段指她踩屎後嘴藐藐，阿 Sa 說：「相信冇人踩到屎會 feel happy 。」另外，對於被指不肯食豬糧及對 Steven 沒同情心，阿 Sa 說：「豬糧係粟米粒，不過食之前，隻手摸完豬再摸食物，覺得唔衞生。話對 Steven 冇同情心？知唔知佢走 4 個鐘，都係得我一個人做，好多大家都睇唔到。」問阿 Sa 覺得外間的批評對她是否有影響？她說：「呢件事係我今年最唔開心事，平時唔開心事唔多，今次件事比較嚴重，好彩我個人比較樂觀。」

致電安撫
監製堅稱阿 Sa 有錢收
對於阿 Sa 的不滿，無監製霍澤基昨在電話中回應說：「阿 Sa 唔會冇錢收，公司有騷錢計番畀佢，當然騷錢同佢拍電影係冇得比啦。我覺得節目出到阿 Sa 好可愛，真人騷反映真實事情，阿 Sa 係細路女，未去過豬場，覺得好臭都係好正常。其實有好多播唔晒片段，觀眾可以上 tvb.com 睇。不過既然阿 Sa 咁講，我都會打電話安撫佢，我覺得今次佢拍呢個節目辛苦都係值得，而且收視都唔錯。」
採訪：張俊銘
攝影：陳偉權

一網講盡：網友狠批練精學懶
蔡卓妍主演的節目《阿 Sa 真人 Show 》首播後，其直率表現受盡網友批評，似乎要想辦法補救大跌的人氣了。

oneworm ：直頭係練精學懶，乜都畀晒個男仔做，又唔受得氣。

alvinchong ：寧願切親隻手 … … 一個字 … … 服！

音符：阿 Sa 咁講真係好過份，做少少都畀晒 Steven 做，緊急關頭先掛住 Steven ，當人水泡咩？

kk5354 ：我以前都好鍾意 Twins ，尤其阿 Sa ，睇完之後係對佢改觀，不知所謂。

1218 ：我覺得阿 Sa 好唔認真 … … very bad … …

小 k ：有時迫 Steven 做，又好似過份少少。

資料來源：香港討論區

話你知：明抄 Paris Hilton
今次由阿 Sa 擔正的《阿 Sa 真人 Show 》，要阿 Sa 落手落腳養豬湊仔體驗生活，惹來不少迴響，其實該節目絕對有抄襲之嫌，與美國女星兼富家女 Paris Hilton 及其好友 Nicole Richie 齊拍的真人騷節目《 The Simple Life 》極度相似。
《 The Simple Life 》於 03 年在美國首播後大受歡迎，現時已拍至第五季，節目不斷安排兩人到窮鄉僻壤，做盡最艱辛的工作，例如養牛、湊仔及掘墓地等，搞笑在於兩人的無知及雞手鴨腳表現，往往穿一身名牌勞動，效果爆笑。

回復

舉報

離線tom

特級會員

發帖: 15120

好友元: 1742

閱讀權限: 15122

貢獻值: 0

只看該作者 1 發表于: 2007-12-15

咁都叫真人Show,阿Sa勞動期間忽然補妝兼搽花露水,踩屎後嘴藐藐,當Steven手指受傷後,欠缺同情心,還馬上指使Steven工作,嬌生慣養,不知所謂.夜d

回復

舉報

離線謝拉傑

資深會員

發帖: 52607

好友元: 30001

閱讀權限: 52608

貢獻值: 4

只看該作者 2 發表于: 2007-12-15

我覺得呢個『真人show』咪就係真係一個show囉!

做得明星，食得呢行飯，有邊個唔辛苦呀??

用Paris Hilton呢d含住金鑰匙既人既『真人show』同佢比較就唔公平左d囉。

斬下野佢就響鏡頭面前叫苦，破壞形象?? 你當佢傻咖咩......

分明就係『劇本』黎咖啦...... 有呢d『劇本』係因為有我地呢d鐘意睇人衰、睇人賤既觀眾者......

PS.我完全唔係TWINS的Fans，只係覺得咁評論佢就有d唔公平咁解者~

回復

舉報

離線Desmond

特級會員

發帖: 17120

好友元: 7610

閱讀權限: 17120

貢獻值: 0

只看該作者 3 發表于: 2007-12-15

我支持阿sa

雖然套野幾悶下....但係都唔洗踩到咁!!!!!

回復

舉報

離線tom

特級會員

發帖: 15120

好友元: 1742

閱讀權限: 15122

貢獻值: 0

只看該作者 4 發表于: 2007-12-15

我支持佢......................................................................................................................唔住

回復

舉報

離線曼聯躉

中級會員

發帖: 627

好友元: 9121

閱讀權限: 627

貢獻值: 0

只看該作者 5 發表于: 2007-12-15

我有睇都覺得幾係真人show，阿sa係藝人，當然貪靚啦，當你有機會行去豬場旁邊，已經聞到o個陣味係幾勁，佢地有呢d反應完全好自然，拍戲既辛苦只係一陣子，一拍完一個shot就厘埋抖一大輪等下一個shot，同連續體力勞動唔同，喊辛苦唔想做都好自然。
不過如果唔識分析，俾d細路睇到，又會有可能教壤細路~
阿sa肯拍d咁難頂既野，我都幾支持佢喇~