開左學都有一個月.....上左中六既好友入面愈來愈多版友發現愈來愈忙....其實有d tips可以比大家reference一下的
首先，以下只為個人意見，未必於每個人都適用的，只供參考
1) 編定時間表並嚴格執行
中六的第一步係時間時間時間！中六大家又要攪學會，趕Project，趕補習，呢樣果樣．．．忙到隻積咁，往往返到屋企已經八九點了，食完飯攪得來都十點了，功課都未做，聽日又小測，無兩三點都無得訓，點算？
呢個時候，麻煩即刻拿出你既organiser，每日四點鐘落堂之後，你既行程安排。你學會幾多都好，唔會日日都要去攪嘛？唔會日日要開會嘛？詳細計劃你每日放學後至返屋企呢段時間會做咩野，用幾多時間！記得預留１５－３０分鐘緩衝！
2) 學會學業校隊點決擇？
好老實講，學校好多時都係呃你的。攪學會係唔會令你係Jupas上面有任何的優勢，你最少要做到SU chairman或者係Head Boy/Girl呢類既職位先會有機會多一封推薦信。每間學校都有１－２個名額，推薦已獲得基本分數的學生，即中英文加2AL合格，直接入大學。但呢ｄ case最多只會比SU Chairman, head boy/girl或學界冠軍卅港隊既學生，其他學生，係仍然靠AL經Jupas入的。而Jupas係絕大部分既情況下只計你CE及AL成績，唔好諗了，讀書重要！
一個Post起兩個止好了，唔好再多
再多只會大食時間
3) 女友，玩，休息
呢樣野，適可而止了，切勿沉迷。
4) Part time
除非家中情況極之嚴峻，否則不建議，中六長假都仲可以考慮下返一兩日既.....但係中六上學期過左第一次測驗之後，講書速度會加快好多，功課會愈來愈忙的
5) 睡眠時間一定要足
講真，如果真係太忙，手上仲有份功課未做，但係已經好累．．．
呢個時候，你一定要保持最少6個鐘既休息時間．．．．如果唔係你第二日會好難攪的....
6) 善用空堂時間
空堂唔係比你hea的，趁空堂既時間，追一追功課，起碼做起返1-2個item，好似English Newspaper cutting果ｄ，一個空堂可以做到２份
仲有如果要寫日記卅剪報果ｄ都係，如果可以，又有時間剩，寫定存貨。
我中六果年既空堂，最高紀錄係一堂做起３篇剪報，儲定存貨，係功課繁忙既時候你會擔心少一樣野，當個個同學趕到七彩既時候，你可以有時間清下你主科既Report
我中六既時候，我係keep住有最少一至兩星期既存貨的
中七就因為太忙，只係有一個星期既存貨，但係都輕鬆左ｄ
7) 同同學打好關係
同學係關鍵時候會好幫得手的，例如趕Project既時候，好多時搵資料搵報紙做剪報都唔係易，因為好多時你會睇漏野的，同學之間互相幫助就最好了，互相幫手會事半功倍的
當時最強既時候係一份明報就可以供應全班當日剪報既功課用，你話正嗎?
8) 善用低年級的同學幫手
攪學會千頭萬緒，要做既野太多，可以考慮分配給低年級的同學幫忙的，但記住，要就住佢地能力去比，最好由少至多，佢地好多時都會做得比你好的，如在Band 3學校的版友，本招慎用
希望小小tips可以幫到大家啦
