[動漫][第一屆日本漫畫好友選50強]投票區 [復制鏈接]

投票時間：即日起至七月十九日晚上23:59

投票前請注意以下數項：

1. 每位會員最多可選8部日本漫畫出來，並必須在該漫畫名字前加上次序，1．代表10分，2．代表8分，3．代表6分，4．代表5分，5．代表4分，6．代表3分，7•代表2分，8•代表1分。

例子:
1．A　←　←　←　(10分)
2．B　←　←　←　(8分)
3．C　←　←　←　(6分)
4•D　←　←　←　(5分)
如此類推。
因為需要計算各候選漫畫的得分，所以一定要以次序黎分隔名次，沒有分隔的將會視為廢票。

2.投票後不得更改提名，經修改過的投票將被刪除。

3.非投票的回覆亦會被刪除。

4.為免誤會，請填上該漫畫之港版譯名。(如「死神」港譯「漂靈」；「火影忍者」港譯「狐忍」等」

5.可在投票上加上自己的感想。

6.每位會員只可投票一次。

7.本人會每日清點票數，並於清點後留言作記。

1.新世紀福音戰士(EVA)
2.龍珠
3.狐忍
4.機動武神傳(G-GUNDAM)
5.稻中兵團
6.多啦A夢
7.SD武者高達風雲錄
8.鋼之鍊金術師

1.One Piece-----------一套經常令我有驚喜又會好感動o既格鬥漫畫！
2.男兒當入樽(Slam Dunk)--------------------熱血！初中最愛！
3.龍珠---------------------經典！
4.I"s----------------------經常翻睇，一睇到一貴昏迷，都會感動到眼濕濕
5.我們的足球場-----------我認為係最好睇o既足球漫畫！
6.Real--------------會否成為井上老師另一經典？題材新穎，亦係連載中我少有會買o既漫畫
7.槍王黑澤--------------睇完令我有所反思o既一部網上漫畫！
8.幽遊白書--------------心目中可媲美龍珠o既經典作品


既然可以講感想
我數埋d入唔到8大而我又鍾意o既漫畫啦
Death Note：故事好好，畫功又靚，睇連載時諗下L同月大家會點裝大家，估估下感覺好正
火鳳燎原：食正一般香港男仔都鍾意o既三國時代，作者以新o既觀點處理每個歷史人物，當拎住單行本睇時，d計中計真係好正
G.T.O.麻辣教師：對我有一定影響
足球小將：科幻足球漫... ，不過佢有佢(當初)成功o既原因！
Whistle！：我特別鍾意足球漫畫，我更特別鍾意寫實一d o既足球漫畫！
E.V.A.新世紀福音戰士：角色、故事、背景設定一流
鋼之鍊金術師：可能就到結尾，由頭睇返一次，故事o既鋪排做得唔錯！
食夢者Bakuman：故事題材新穎，令我有衝動買單行本o既新作品。
ONE OUTS--nobody wins ,but !！超智遊戲：渡久地好屈機


數得太多添...

1. SLAM DUNK     (絕對係經典中之經典, 對陵南同山王睇到以為自己都嚮現場咁)

2. 東京愛的故事       (永尾完冶同赤名莉香令人難以忘懷, 最後一句:佢曾經係我深愛的女人)

3. ONE PIECE       (作者為在太強勁, 當日埋下伏線, 今日總會一一重現眼前)

4. G.T.O.             (因電視劇而接觸呢本, 但原來又同電視有唔同喎, 又有另一番風味)

5. 金田一少年之事件簿       (雖然後期以已江郎才盡, 但頭幾個故事都真係好好)    

6. 課長島耕作                   (日本韋小寶, 辦公室政治可以係一D都唔沉悶)

7. 聖鬥士星矢 (車田正美)       (細個時每個星期都要追0既電視卡通, 點少得"天馬流星拳")

8. 熱鬥小馬                           (雖然只係睇過電視, 拉屎藏永遠叫人懷念)

１．男兒當入樽 ~ 絕對經典，對山王既最後一分鐘，永遠熱血又感動。


２．幽遊白書 ~ 故事出色，戰鬥場面節奏快，爽！


３．棋魂 ~ 就算唔識圍棋都睇得有共鳴，佐為魅力沒法擋。


４．寄生獸 ~ 一套值得令人反思、回味既漫畫。


５．H2 ~ 安達充最長篇作品，作為擁躉絕對不容錯失，一睇再睇。


６．龍珠 ~ 陪住大家成長，無人唔知咩係「龜波氣功」。


７．金田一少年之事件簿 ~ 最受歡迎偵緝漫畫，名句「謎底已經解開」！


８．熱鬥小馬 ~ 爆笑！睇住拉屎藏點去克服重重困難。

===================================================================

滄海遺珠：

Touch、Cross Game ~ 安達充 fans 必睇之選。
Hunter x Hunter ~ 故事設定完整，可惜劇情越拖越難收科。
死亡筆記 ~ 精彩鬥智情節，L 死後有點沉鬱。
怪醫秦博士 ~ 永遠唔會覺得過時，BJ 做手術令人著迷。
城市獵人 ~ 令人難忘既人物，隨時興奮。
鐵拳浪子 ~ 矢吹丈戰死檑台一幕，永恆經典。
爆漫 ~ 題材新穎，道盡漫畫家身涯喜怒哀樂。
東京愛的故事 ~ 人越大越感受到主角既心情。

1.男兒當入樽 三井同櫻木真係好吸引到我
2.狐忍 雖然係為追而追
3.金田一少年事件簿   細細個第一本睇既漫畫!
4.足球小將   細細個果陣會係最鍾意!
5.魔界小金毛(金色的卡修,魔法小神童加旋?)   激好笑
6.二十世紀少年 因為動畫版魔剎既關係睇左
7.飛輪少年 有個fd借俾我睇睇落唔錯
8.不思議遊戲-玄武開傳   女仔野=.=應該無咩人睇過

睇過既漫畫真係廖廖可數
自己睇左好多動畫同劇
反而佢地既漫畫就未睇過

1. 衝鋒21
2. 火影忍者
3. 死亡筆記
4. 棋魂
5. 鋼之鍊金術師
6. 槍王黑澤

１．幽遊白書
絕對劇情緊湊，係我兒時最喜歡既日本漫畫，
之前我都有開 post 同大家討論
可惜後期爛尾
http://bbs.hkbff.net/read.php?tid=38843&fpage=3

２．多啦Ａ夢
經典人物性格太深入民心，不過後期既造型有少少怪相。

３．龍珠Ｚ
我諗同我差不多年紀既一定有睇過呢套，經典既格鬥漫畫，
只選《龍珠Ｚ》因為我覺得《ＧＴ》系列唔好睇。

４．金田一少年之事件簿
雖然好多時查案都係自圓其說，但係好羨慕金田一有個咁好既青梅竹馬既女友。

５．柔道部物語
細細個已經追呢套漫畫，雖然我唔識柔道
細細個已經覺得柔道好型

６．男兒當入樽
一部以運動為主的漫畫，但我一直唔喜歡只會贏不會輸的主角球隊，就好似《足球小將》咁。
最印象深刻係同翔陽同海南既賽事。

７．三眼小子
細細個有朋友免費送佐一套十本黎，睇睇下覺得幾好睇又有少少恐怖。

８．１８禁
夠另類，其實劇情同人物造型唔錯架。
以成為醫生而上私立貴族學校的主角池內倫子因為家裡破產而被迫休學，
並且身無分文、為了養活自己，於是只好到成人影片製作公司上班，
從中進而看到許多形形色色的 _ V 世界內幕。

1.One Piece~~~唔駛講野, 超好睇, 題材夠癲之餘竟然頗正面, 常有驚喜, 而且仲好期待添~
2.幽遊白書~~~非常喜愛的一套漫畫, 如果唔係尾段收得太快, 一定選第一。
3.男兒當入樽~~~又係超喜歡的一套漫畫, 如果我有打開籃球的話, 可能選第一都未定~~
4.龍珠~~~呢套唔駛講啦~~
5.死亡筆記~~~非常用心之作, 有睇小說的感覺, 啱我呢d小說迷~~
6.課長島耕作~~~初初睇因為佢夠風流, 睇睇下發現真係講到辦公室智慧+人性, 好睇。
7.漂流教室~~~~非常經典! 雖然畫功被受質疑, 但當年黎計, 題材震撼, 凝造氣氛手法非常出色。
8.潮與虎~~~唔知有冇人識 , 我就係幾喜歡呢套漫畫.........

1,ＯＮＥ　ＰＩＥＣＥ   最快衝破一億冊的漫畫!

2,足球小將     好睇!懷念!

3,龍虎鬥       動慢好似叫龍與虎 唔錯架

4,寄生獸       好血惺 但會令人再三反思 最後一隻寄生獸講既野令我覺得好震撼!

5,狐忍     睇開真係會追

6,福星小子   應該無咩人識

7,獵筆小新   依排全班又爭住黎睇 幾過癮架

8.咩咩的執事   幾好睇




仲有套野叫田中太郎   細細個係快樂龍追開 唔知有冇人識

1. 高達一年戰爭篇 (細個睇到大個, gundam既origin )

2. 龍珠 (又係由細睇到大)

3. 足球小將 (睇左動畫之後追漫畫)

4. 男兒當入樽 (經典)

5. Death note 死亡筆記 (近年好hit)

6. DEARBOYS 灌籃少年 (又一籃球佳作)

1. 男兒當入樽 (流川絕對係我至愛, 型靚勁 )
2. 幽遊白書 (藏馬呀 妖狐呀 )
3. 龍珠 (我好鍾意悟空最初搵七龍珠個段, 雖然我最愛杜拉格斯 )
4. 棋魂 (故事成功帶起人們對圍棋的興趣)
5. 金田一 (又一本完左可以再出一樣大受歡迎漫晝)
6. Angel Heart (無乜人會睇的漫畫, 但我太愛北条司 )
7. 亂馬1/2 (當年都笑到甩肺的漫畫 )
8. Hunter x Hunter (可惜無以為繼)

1. 多啦A夢

2. 男兒當入樽

3. 衝鋒21

4. 日式麵包王

5. 足球小將

1. One Piece
2. 足球小將
3. 多啦A夢
4. 鋼之鍊金術師
5. 狐忍
6. 棋魂

1. slam dunk - 因為佢學打籃球，男人既浪漫!!!!!遺憾地上年先有機會睇埋IH賽........

2. 龍珠 - 細個好似買過一本叫"exam"既物體，每期得廿頁，之後買單行本再追....童年回憶~

3. 幽遊白書 - 其實我係追電視的....

4. 足球小將 - 男仔的浪漫，雖則越大個就覺得呢套野越唔合常理

5. 叮噹 - 經典!

6. 臘筆小新 - 細個冒住比呀媽鬧既危險睇既兩級半漫畫.............

7 hunter x hunter - 又係因為追電視先再追漫畫...不過追追下都冇追lu............