引用第45樓雲雀於2009-08-19 16:43發表的“”:
如果佢地真係只為左d雞翼同雞腿, 而加入大量化學品將雞改做~
咁已經好唔人道啦, 邊有人咁養豬,牛,羊,同種菜架?
.......
我都相信一定會有化學品係d 雞入面...
但好似人人都將"化學品"惡魔化左~
同埋係咪真係誇張到可以變幾隻雞翼同雞腿ar...（鋼鍊咩...話鍊成就鍊成 =.=）
果d 化學品係咪真係對人體有害，食完會死？
（一年食十萬隻先會死果d 唔算掛，食紫菜夠話會大頸泡啦，不過係要食得多）
另外，d 化學品係咪真係勁到可以有多對雞翼卅腿先？
佢d 化學品既用途係咪真係大家流傳咁話，用係多翼、多腿度先？
（化學品都可以用係正面既野度，好味d? 鬆軟d?
正如整d 肉既時候落梳打粉or鬆肉粉一樣，呢d 都係化學品）
就算真係，咁呢個只係對雞既問題~
你最多可以話佢唔人道
不過，食得雞~牛~羊，邊有話人道唔人道？因為隻雞多左對翼好慘？
但有無諗過就算平時養呢d 食用生畜既地方，都唔係個個牧場對d 動物好，
會好好照顧當佢人看待既，據我所知應該得神戶牛之類既食用動物
但d 人灌隻牛飲啤酒等d 肉滑d 多d 肥油（真係灌水咁灌），同幫隻雞加化學品多對翼，有無分別呢？我覺得呢點好值得人諗囉∼
我果度呢d 指控，分開黎睇，其實好多食物都有
除非真係證明KFC 做齊哂~ 「用有害化合物、食少少都會影響人、對d 雞唔人道」三樣野
咁先可以講得通KFC 真係特別差，同埋唔食得
如果唔係，其實，其他食肆、食物都係一樣lor
要避既話，食乜都死，咁乜都唔好食lor~
如果真係咁，咁我情願短命d.....
