球隊 賽 勝 和 負 得球 失球 球差 積分
１德國 ３ ２ ０ １ ５ １ ＋４ ６
２加納 ３ １ １ １ ２ ２ ０ ４
３澳洲 ３ １ １ １ ３ ６ －３ ４
４塞爾維亞 ３ １ ０ ２ ２ ３ －１ ３
Ｄ組既賽事會係星期日上演。
呢組既球隊，分別係三屆世界杯冠軍得主德國、
前南斯拉夫聯邦分裂並已改名既塞爾維亞、
由大洋洲首次轉戰亞洲既澳洲，同埋非洲勁旅加納。
呢組除佐塞爾維亞外，其餘三隊上屆都有份入圍。
德國，世界排名第６
澳洲，世界排名２０
塞爾維亞，世界排名１５
加納，世界排名３２
呢組既首戰，會由大熱門塞爾維亞對加納。
但講最熱既球隊，首選德國。
毫無疑問，無論係任何洲別既足球賽事，三屆冠軍德國都會被視為爭標大熱，
很自然地，球迷對德國係小組出線認為係理所當然，並且應該要以首名為基本任務。
德國既陣容，仍然有唔少係上屆既面孔，好似拿姆、小豬、王子、高路斯、細梅等等。
經歷過上屆主辦世界杯既洗禮後，近幾年德國漸漸回復強隊本色，
陣中亦開始年輕化，最大改變莫過於進攻能力同組織力。
但德國既後防依然令球迷擔憂，最近更加缺少球隊最重要既ＩＣＯＮ人物波歷克，
最終決定由拿姆肩負隊長重任，而路維選人既執著，中場除小豬外都缺少大賽經驗，
面對逆境波對班後生仔係一大考驗。
零二年世界杯亞軍、零六年世界杯季軍、零八年歐洲杯亞軍，
唔知今屆呢支日耳曼軍團既「成績表」會否有個完滿結局？！
澳洲，上屆成功殺入十六強，今屆轉戰亞洲區幾無敵手下再次入圍，
今屆澳洲入選既名單有七個前鋒，可見澳洲有可能會採取主攻既策略，
預計澳洲會排出四二三一既陣式，澳洲係呢組係被睇淡既一隊，
而且缺乏足夠的陣容深度，相信難以在比賽中走得更遠。
塞維爾亞，即係前南斯拉夫，係一支富有技術既東歐球隊。
外圍賽將大熱既法國同羅馬尼亞擯走。
而且塞軍近況相當好，接連擊敗係世界杯參賽分子喀麥隆、日本、南韓等實力份子。
所以外間比較睇好會係呢組德國奪首名既最大攔路虎。
加納，上屆爆冷躋身十六強，但相信加納係呢組既前景唔太樂觀，
尤其係缺少主力艾辛，想再一次創造傳奇，應該不會出現係今屆世界杯了。
[ 本文被謊大童在24-06-2010 06:51重新編輯 ]
