「叱咤樂壇流行榜頒獎典禮」頒了34個獎，由黎明主帥的Amusic旗下歌手衛蘭(Janice)、李治廷和JW食白果，據知Amusic不滿Janice和JW的合唱歌《男人信什麼》唱到街知巷聞，但在叱咤成績表上竟然零獎，而新人王JW在「叱咤樂壇生力軍」又輸給C AllStar、糖兄妹和林奕匡，相反，跟商台助理總經理甘菁菁是夫妻關係的環球唱片高級副總裁黃劍濤，旗下歌手狂掃10獎，黎天王一怒之下決定向商台連環開火，將無限期不派歌上台兼不出席該台活動!
黎明接受訪問時說:「希望大家做好自己要做的事，唔好傷害到別人。」雖然對傳言不多作回應，但似乎話中有骨。而Amusic行政總裁王凱文承認:「唔會再同商台合作，唔會參與商台活動亦唔派歌上台，因為大家方向唔同，商台只係睇關係，每個媒體有自己制度，公司冇權改變媒體制度，既然派歌上去唔播或播得唔好，惟有選擇其他渠道宣傳。」
on.cc 東方互動 - iPhone Edition
