火鳳凰:FW 亦係加到一分喎，即係兩個中場係度搶波，一方 FC，另一方就有 FW 架啦，FC/FW 加埋始終都係零和遊戲……[表情]
而且 FC 加到一分其實對前鋒亦都不利，因為有唔少前鋒都係 FC 比 FW 多的，入左波隨時都係得 5-6分……[表情]
(2013-09-18 18:10) 
我地做個簡單而唔太科學既統計。
暫時4 周計。
最高分個10 個前、中、後既分數。前鋒得分範圍係30-64分。中場係35-55分。後防係37-44分。你拎最高分個個黎計，好明顯，前鋒最好！中場其次！後防最低分。喂，但係呢個係假設你買中先係咋喎。你場場都買中？
好明顯。前鋒個分差係比其他兩個位置大得多的。後防最高分個個，同第十名既分差只係7分。但前鋒最高分同第十名既分差係講緊34分，足足一倍！前鋒你買中買唔中真係一天一地。後防你就算唔係買中最高分個個，都有一定保障。
而整體去計算，前鋒頭十名既平均分係10分一場。後防係10.17 分一場，中場係10.025一場。即係話，計整體既話，後防反而變成最高分個個。當然，就咁睇，三者分差其實又真係唔係咁大。但後防得分力，係整體上而言，係比中、前場球員更穩定的。呢個現象，你睇埋次十名既球員，就可以更明顯。次十名前鋒既得分範圍，係21-28。比起最高分既64既史杜，大幅下降超過六成！得分差異收窄左，因為人人都同樣咁低分。次十名既前鋒平均得分，已經大幅下降到5.92 呢個驚人既數值。相對黎講，次十名既中場，平均得分仍然有7.6分，而次十名既後防，平均得分竟然仲係高企係8.125分到。相比頭十名，次十名反映到，前、中、後球員既得分力，無論係實際得分，或是穩定性，後防球員都遙遙領先中前場球員。
當然，話雖如此，但FYY論英雄，人人都認為自己係眼光最獨到個個。人人都認為，自己會係買中史杜列治個個。64分同44分既分歧，仍然會吸引大部分既玩家將籌碼押係前鋒身上。所謂高風險高回報嘛。但唔好忘記，聯賽係一個長時間既競賽，我成日強調，穩定性先係一切！如果再過幾周，前中後球員既得分比率仍然無變，甚至比宜家更偏重一方，咁就係我地放棄343 改打442既訊號了！
[ 此帖被freezefox在2013-09-18 18:50重新編輯 ]
