2013-2014 年度 YFF 季前討論 [復制鏈接]

Seefood:其實大家一路都講緊個bench無用 cut唔cut$都一樣[表情] (2013-07-22 15:20) 

其實有bench 都有另一種玩法, 但要同 unlimited transfer 共存就會演變成自殺式處理方法

國球旗:其實會買唔同既人，都係果 d 為撐自己愛隊而買既球員先至多唔同。
上季季尾前列果堆，往往係 9 same 10 same，
....... (2013-07-22 15:03) 

呢個好多客觀因素影響，不能簡簡單單一概而論。最重要既始終係唔可以比你無限金錢買人。有限制，就要有取捨。呢個遊戲玩既就係「取捨之間」！

多左beach，的確會令取捨之間少左少少掙扎，但又未至於完全唔駛取捨。因為你得四個後備席，佢可以幫到你頂盡咪四次唔作出取捨。去到第五次你都係要做決定。一年落黎，我地最既取捨決定，又點止100 次？

另外，每一次你為左唔做取捨決定而將個人放落去beach 到，你既後備成本就會增加。原本可以10磅養住四個後備，一次放棄取捨，你個後備成本可能一野扯到上去20 磅。兩次放棄取捨你分分鐘要用30 磅黎養住4 個後備。有兩個仲可能係短期內唔可以出場的。

呢樣，都係另一樣既取捨黎既。

bbq903:其實有bench 都有另一種玩法, 但要同 unlimited transfer 共存就會演變成自殺式處理方法 [表情] (2013-07-22 15:27) 

鐘意玩YFF既原因就係貪佢無限換人
而家咁樣真係

freezefox:呢個好多客觀因素影響，不能簡簡單單一概而論。最重要既始終係唔可以比你無限金錢買人。有限制，就要有取捨。呢個遊戲玩既就係「取捨之間」！
多左beach，的確會令取捨之間少左少少掙扎，但又未至於完全唔駛取捨。因為你得四個後備席，佢可以幫到你頂盡咪四次唔作出取捨。去到第 .. (2013-07-22 15:29) 

原則上你既講法係無錯，但目前仲有好多不明朗因素，計唔到個 bench 會發揮咩作用。

例如，佢有無得俾你偷人呢？球員價格升跌幅度係點？會唔會爆分就一野扯高 10 蚊以上呢？減價又會唔會慢吞吞？仲會唔會價錢日日都無啦啦微調.......太多太多，不可預計！

Seefood:其實佢搞呢個bench 我覺得唔會再有偷人情況出現
因為個admin講到個sub用泥keep D會爆價既新人
如果再有偷人咁就違背左用sub泥keep人呢個function[表情] (2013-07-22 15:05) 

兩樣野。佢想咁同佢可唔可以咁係兩件事。

要完全唔比人偷人，佢要改動既唔係咩球員身價，而係買賣球員時間。

即係，截陣後唔比買人，出哂分之後先可以買人。咁先可以真真正正封殺偷人既行為。但技術上好多限制，例如周中有比賽時，就會有d 麻煩了。禁止球員買賣時間會拖得好長，開放買賣球員既時間相對地會少左。


其實，如果單單為左唔比人偷人，根本唔駛整個BEACH 出黎。咁係捉錯用神。改變買賣球員既時限就可以了。

有BEACH，你頂多咪KEEP 到4 個會爆升既球員。一個星期可以爆升既球員何其多。你KEEP 得幾多個？我地偷人既都會預到呢個情況啦。十幾個人會升，都唔知偷得邊個好。

國球旗:之所以佢地話 YFF 英超變左西甲，咪就係呢幾季西甲將 C7、Messi 標價去到 5、60 蚊囉。
但佢地又場場爆分，結果都要面對現實，人人 keep 佢地再搵骨攝。
....... (2013-07-22 15:05) 

未玩過西甲。唔知個邊咩情況。


但我覺得，原則一樣，睇性價比、回報率。如果佢地回報率唔理想，得5,6 成回報，咁無必要一定要買佢地。唔用佢地一樣可以高分過用佢地但又大量食骨既人。

freezefox:未玩過西甲。唔知個邊咩情況。
但我覺得，原則一樣，睇性價比、回報率。如果佢地回報率唔理想，得5,6 成回報，咁無必要一定要買佢地。唔用佢地一樣可以高分過用佢地但又大量食骨既人。 (2013-07-22 15:37) 

呢個理論喺西甲係唔得的，詳情問番西甲玩家。

火鳳凰:球員身價乘大25-30%同減 25-30% budget 效果一樣，到時 bench 一樣係形同虛設，大部份玩家 (唔係我地呢的 minority) 一樣會嘈佢地整個 bench 出黎又唔夠錢俾人買…… (2013-07-22 15:08) 

錢一定夠架，係差在你買到咩人之嘛。點會唔夠呢？


咁當然，照賬面計，用對等價錢去買賣既話，15人既成本應該係136磅（100/11 *15)。所以150 磅就係多左出黎的了。點計都點唔到150 磅出黎的。

但考慮到後備席唔應該同正選席有相同價值，如果當後備席係正選既50%身價，咁合理成本就應該係118磅。如果後備席身價係正選既七成。咁合理成本就應該係125磅。

佢地應該係118磅到136 磅之間著默，而唔應該一下子將成本提高到150磅的。

火鳳凰:球員身價乘大25-30%同減 25-30% budget 效果一樣，到時 bench 一樣係形同虛設，大部份玩家 (唔係我地呢的 minority) 一樣會嘈佢地整個 bench 出黎又唔夠錢俾人買…… (2013-07-22 15:08) 

其實，無論係150 、130、定係120 ，以你地既定既策略買人，BEACH 係咪都係形同虛設架啦。

國球旗:我覺得佢而家改革左都一樣無得偷人，所以 YFF 會變左做「阿寶」。[表情] (2013-07-22 15:09) 

唔係無得偷人，係唔駛偷人。當你擁有既錢多過你可以駛既錢，咁買人等如無限制。


個GAME 等如每周比你揀11 個人鬥高分吧了。策略性會全部消失。同當年無限金錢既年代一樣。

Seefood:西甲無得偷人 重要d爆分人會爆價爆得好勁
變相你上半季無買d爆價人就可以1早del game[表情] (2013-07-22 15:07) 

變相季初會好重要。

bbq903:其實真係冇乜可能再轉返舊 , 去到呢個時間先推出黎講, 好明顯佢地下定決心去變.
我初初真係好唔明白 , 點解原本 $100 揀 11 位 , 平均 9.01/位 ,  但佢地加多4個bench , 就加到$150 , 倘若正選位不變, 即係講緊bench 位 價值  $12.5/位 ([150-100]/4 = 12 .. (2013-07-22 15:09) 

我同意你呢個假設。


其實等如總足宜家要限住英超D 豪門球會駛錢一樣。年年都唔夠你鬥，就要諗諗計，削減你既競爭力，等某D 人可以同你一鬥。

你錢多，我就限你唔比你駛咁多錢。


但今次相反，你係無錢既情況下玩得比我好，我唔夠你玩，就索性放寬個限額，人人都大把錢，唔駛偷人唔駛追咁貼個遊戲。HEA 玩既一樣可以鬥高分。

freezefox:變相季初會好重要。[表情] (2013-07-22 15:49) 

唔係喎, 佢地球員真係假到冇朋友 , 爆完分後, 下週可以冇乜分數, 再下週可以消失埋, 之後又爆一場. , 可能真係唔夠資訊, 如果之前 大b 兄唔係到提醒真係冇得玩 !  

c7 / messi  一定要是但keep 一個, 否則你可以好快del game !  

火鳳凰:問題就出係「大家」呢兩個字度，因為我地既「大家」係講緊認真玩果二千人 (10%)，其餘 90% 既真正大眾係會玩個 bench，唔會好似我地咁係個 bench 放晒 $1-2 唔出既人……[表情] (2013-07-22 15:13) 

HEA 還HEA，HEA 唔代表蠢架。

當佢玩玩下發覺BEACH 個D 球員根本都無出過場咁滯，自自然然會愈放愈少資源係個BEACH 到，慢慢就會用D 最低價既球員架啦。

當然，如果你HEA 既程度係去到連佢有冇正選都無研究，個個星期都係用番個11個球員既話，咁個D 唔駛討論啦。佢地都係求求旦旦既者。我絕對懷疑，玩GAME 都玩得咁求其既人，會走去個ADMIN 到比意見囉。

火鳳凰:從另一個角度睇，可能佢地覺得吸納多的 hea 玩既人，放棄少數認真玩家，並唔係整死個 game……[表情] (2013-07-22 15:16) 

真真正正HEA 玩既人，係唔會理你點設計個GAME 的。總之你要佢點玩，佢咪個個星期完全最低要求，符合到個遊戲，有分出有排名咪算哩。求其玩既人，自然會求其面對遊戲規則架啦。

宜家會上去比意見既，一定係對個GAME 有要求，又或者想自己排名可以更高既玩家。否則佢又點會浪費時間，未開季就走去研究你隻GAME 點玩？未開季就咁神心上去比意見？

所以，如果90% 既人係HEA 玩，都分兩類。一類既HEA ，係真HEA。無論付出既時間或者心態，都真係無咩所謂。我既小組入面既成員，100% 係呢煩玩家。佢先唔會理你個GAME 轉成點，更加唔駛旨意佢會比意見。佢地大不了連玩都唔玩咁解者。

另一類就係心中說HEA，心中根本不HEA 既玩家。佢地唔想付出咁多時間黎玩個遊戲，但又想係排名到爭取一定既成績。眼見其他玩家咁高分，心中不是味兒。但你要佢半夜唔訓去偷人，星期六日坐定定係屋企唔去街為左買球員，佢根本做唔到。所以，個班設計人唔係要滿足另外個90% HEA 玩既玩家，佢只係滿足緊可能都係得10-20%唔係真心HEA 玩但又迫住HEA 玩既玩家………