連續兩周想殺入去100名之內都失敗！上周中朗尼、爆炸頭反而要跌排名。今周放手一搏，連S7 都放埋，結果S7 同巴爾果然唔高分，但衰就衰在換入黎既盧卡古、夏迪一樣低分。換碼行動得個吉。好彩有個般恩同我搶番17分番黎，洛厘斯又如願地負分負到嘔，一來一回26分既分差，先可以勉勉強強吊住條命，KEEP 係百零名呢個位。兩周係不利形勢下都可以保持原位，今周手上籌碼唔錯，賽程又唔差，應該可以有力第三次挑戰雙位排名！希望月底出埠前可以進佔番一個有利既位置。我擔心月底唔係香港偷唔到人，四月既賽程會好頭痕。
般恩
DEBUCHY YANGA-MBIWA 舒亞拿/多臣
卡穌拿 施素高 巴爾 古天樂
史毒 REMY 賓迪基/朗尼
中場線唔會郁架啦。雙賽出現前都會維持陣式。前鋒、後防都係各得一個位會考慮換人。後防暫時係舒亞拿同多臣之間選。如果大家有咩好既提議，不妨提出。
前鋒偷左賓迪基，但老老實實，九成會換入曼聯前鋒。暫時考慮肥仔。因為買肥仔，我先可以有6個幾去買個後防，先買得起舒亞拿或多臣。如果買VPS，我就得番3.28，到時只可以買到一個無得出場既後防，似乎唔多值搏。
當然，仲有個方法，就係般恩變艾哈比斯，不過，都係得番4.28買後防，只能買到韋堅遜，連艾卡拉斯都買唔到（原本買到，但岩岩又升左價，差八個仙）
大家有冇咩建議咁呀？
[ 此帖被freezefox在2013-03-12 10:54重新編輯 ]
