巴塞隆拿 vs 拜仁慕尼黑琴晚突登睇拜仁場波,一來自己今季都冇睇過佢踢波,二來方便今日起度同大家講
老老實實,依家拜仁最大問題係後方鬧中堅荒,雲布亭傷左(好似係),盧斯奧琴晚傷埋,唔知趕唔趕得切週中出場,所以依家好大機會係迪米捷利斯搭賓奴,賓奴我琴晚睇佢踢其實都算做平平穩穩,係第二球mark唔實比迪斯高搞掂,但兩人面對巴塞既進攻線......就可能比較有隱憂
兩閘上,右閘既利爾琴晚睇佢都係平平穩穩,左閘既拿姆幾fit下,有機mark到美斯
中場方面,如果出番琴晚一無一樣既人腳,絕對可以同對面條中場線競爭,先講薛羅拔圖,佢雖然老,但係佢仍然會助攻助守,而且佢d組織性同盤球都仲係好勁,絕對能夠對巴塞做成威脅...右路既舒偉恩史汀加,琴晚佢雖然冇乜突出好搶鏡既表現,但係睇得出拜仁既右路係幾有組織性,進攻流暢都幾好...左路既列貝利,呢位人兄實力唔駛多講大家都明嫁啦...但係琴晚佢俾禾夫斯堡既帕卡歷死纏,狀態一般....好擔心佢週中對住對面既丹尼爾....會唔會俾佢封死...不過整體而言...拜仁條中場線以我琴晚所見,組織同進攻都幾流暢,有力同巴塞以快打快
前場方面,琴晚高路斯出唔到,東尼搭普度斯基...對住禾夫斯堡既後防線都可以算係冇乜威脅,東尼俾巴沙利頂死,而普度斯基就...(我冇乜留意佢
),不過如果高路斯週中搭東尼攻堅的話,有機會作客入到巴塞波都未頂...
總括黎講...我唔擔心拜仁入唔到巴塞波,係擔心前面入埋唔夠後面輸....
巴塞方面...我就冇睇開佢live啦...所以我都係由平時睇佢既highlight黎略略評論下...
基本上,我覺得巴塞三線既實力都幾勁...由其是前線美斯,佢爆出黎分分鐘玩死對家後防...姐係琴晚如果拜仁輸第五球,入波果位唔係加菲迪而係美斯....都可以話死傷慘重...
我個人黎講...呢邊真係冇乜點評論嫁啦...因為三線主力都有力打對面...若果要驚既就係巴塞個中場防守力...我總覺得無論沙維恩尼斯達基達甚至布斯基斯....都唔係好硬淨...所以對家拜仁有力以中場去壓制巴塞嫁
我個人覺得啦...今場巴塞會贏拜仁先...但係唔會話真係贏得好多粒,而且有可能失波,我估開個「大」既,波膽方面係2:1 or 3:1
