一個利迷一生o既心願係為利物浦出力
一個利迷足球球足球生涯o既其中一個目標係為利物浦上陣
今年7月, 28歲o既羅比等到呢個機會, 當時o既佢, 冇可能離開熱刺, 但就只有利物浦可以令佢離開
離開一個佢生活得好好, 球迷鍾意佢, 領隊信佢, 隊友尊敬佢o既地方, 背上背叛球迷之名, 出走白鹿徑
佢以為所有野都會變得美好, 但點知….
佢所以o既位唔係佢打開o既位, 佢入波之後下一場就要做後備, 佢場場都比人換走, 佢坐後備席時, 球隊要入波時都唔會有機會上
後備席上我地見到無奈o既堅尼, 無奈o既係因為佢想出力, 但係出唔到, 佢o既夢想同佢咁近, 但又係咁遠….
呢d所有野, 所有野, 都係佢愛隊比佢o既
7月時, RB同派利之間講緊我地要買邊個, RB想要巴利, 同埋一個前鋒, 呢個前鋒就係羅比
但RB想要巴利先過羅比, RB以為, 我地會有錢買晒2個, 派利好鍾意羅比, 所以好落力買佢, 只係RB唔知, 買左羅比就冇得買巴利…
因為咁, RB好嬲, 係續約談判上, 一直堅持以後買人要由佢自己全權負責
為左証明派利做o既唔係好事, 羅比就成為左開刀對象
狂打單箭頭, 明知唔岩位都照打, 入波後唔比佢再出, 場場60分鐘換走
外人看來, 羅比係一件垃圾, 只識miss chance, 係”零射門廢人”
為左贏呢場辦公室政治, RB甘願係缺少前鋒下以低價賣走呢個佢”唔想買”, 應該係”扮到唔想買”o既前鋒
利物浦部份球迷話, 好野, 終於送左佢走, 我心諗, 係啦, 初初傳話走都話要超低價都比佢走啦, 就好似即使存在都會令隊波打得唔好咁
君不見季初羅比場場上陣, 即使冇入波, 利物浦當時成績都係暫時唻講最好…
賣走佢亦係無理
有冇用係一個問題, 但係冇時間下, 係冇本土球員下咁急住賣…
係要証明真係好唔需要佢
利物浦球迷好開心送走件垃圾
熱刺球迷之前佢倒戈要都勁噓, 10號冇得著, 隊長冇左
出面球迷笑緊佢, 笑佢垃圾, 半季比人送走
我, 笑緊佢好天真, 好傻
RB笑緊, 佢贏左, 就算少左個人用, 佢都贏左買人主導權, 犧牲一個球員算係咩? 球員只係棋而已, 需要為佢著想嗎?
羅比話, 轉會利物浦顯然係一個錯誤o既決定, 但佢冇話佢後悔
後悔? 已經唔使諗到後悔呢個地步, 因為當初佢冇可能拒絕, 冇諗過會有如此荒誕o既political struggle, 冇諗過會有一個領隊會同意買佢又扮到好似冇想過佢唻咁
羅比, 你係到而家唯一一個, 係唔影響利物浦o既大前提下, 我會希望你倒戈入波o既球員, 我幻想你會好似大衛湯遜
但你唔會, 你係如此情況下都冇出聲怪RB, 冇指出自己被不公平對待, 又點會入波慶祝?
羅比, 利物浦對你唔住
羅比, 賓尼迪斯對你唔住
forward by利迷論壇
我睇緊個時有人打比我 而我既鈴聲係ynwa..
跟住兩滴眼淚流左出黎 好耐未試過喊喇...
