引用第379樓jimmy於2010-06-08 19:13發表的“”:
總版三連擊,下下都入埋總版兩個字就必死無疑了 [表情]
JIMMY 你口口聲聲支持民主，但你係我係好友所見，D 思想比共產黨更共產黨既人辦。
你認為：
1. 總版比版主高級，有咩理由唔唔向總版投訴由總版處理，而要由版主處理？
喂，咩叫「地方事務」呀？係新聞版出現既問題，當然係由新聞版版主處理啦。又唔係咩緊急事故，例如有人貼露點相，又或者真係打左D 粗口出黎。一句PK，有幾大件事先？拿，拿，拿，我唔係話總版唔可以管，不過，咁既場合，咁既環境，當時既情況，係咪應該識避忌呢？呢D 就留番總版自己諗啦。但呢個唔係重點，我講番JIMMY 你先。香港夠係屬於中國啦，香港政府大定係中國政府大哎，你宜家日反夜反既係咪正正係中國政府「干預地方事務」呀？
2. 之前富士康事件，你質疑中國政府點解唔直接摺左間公廠佢……
拿，共產黨都未必夠薑做既野，JIMMY 哥你諗都唔諗就話去馬。共產黨應該由你黎執政先岩啦。
莫講話香港、美國、歐洲呢D 法治既社會唔會容許呢D事發生。我諗東歐、俄羅斯都唔會啦。今時今日，係北韓呢類極權政府先夠薑咁做架啦。 你口口聲民主法治！你D 民主法治精神就係咁架？
3. 無限上網上線：
當年紅衞兵最叻係咩？屈人囉。宜家JIMMY 哥你將呢招發揮到淋漓盡致啦直頭！幾多人同你討論完都比同一個評語：「老屈既！」總之，你反對A 咩？你就一定係B陣營既人。你唔做C 咩，你一定已經做左D。幫人地定哂立場，安排好身份，設計埋陣線，一條龍服務，全包宴。都真係幾好服務架。
P.S.三郎叫我老狐大大，我還他一個總版大人，大家「相敬如賓」，有咩問題呢又？
