引用第0樓任天痕於2007-07-16 14:05發表的“英超倒數.........重有25日”:
話咁快，唔夠一個月英超聯又開波喇..........8月11日.....
新升班的伯明翰、新特蘭、打比郡，大家又熟唔熟......？我對打比郡最唔熟.......！
.......
打比買入威爾斯前鋒安梳爾,增強左攻力,上季升班主要功臣侯活屬傳統衝撞型前鋒,上到英超應該唔太適用.... 反而後備有fagan隨時變正選,因為fagan速度快,技術比較好.
中場有個giles barnes打邊唔錯,中間有前修咸頓球員奧克利,屬值得留意o既球員.
不過始終實力有限,目標將會是護級.....
伯明翰前線有科素,上季從卡迪夫收購o既cameron jerome,今個夏天又買左蘇格蘭國腳garry o'connor,仲有上年升班功臣mcsheffrey,實力算唔錯.後防方面,有前保頓中堅查迪,泰比利加埋從米堡來投o既彭拿比,雖然實力並唔突出,但應該可以打得幾穩定.中場有euro u-21打得幾好o既de ridder,另外又有kapo同從阿仙奴買番黎o既muamba,不過看來會係隊波最弱一環....
相信有力護級,目標應該可以係第十五,六位.
至於新特蘭,keane上任後,致力改善紀律,打的是整體戰,對付英冠球隊甚有用,不過上到英超,又會係另一番光景.隊波o既門將同後防都好一般,中場有上年表現突出o既whitehead,前面買左前紐卡素射手chorpa,加上本來o既stokes, daryl murphy(上季入唔少重要波)同david connolly(英冠有餘,英超不足),應該都ok,最後仲有約基,其豐富經驗應該幫到手.
外界都認為新特蘭可以有一番作為,可到中游,不過我覺得呢種打法未必適合英超,我認為護級應該仲可以,不過要再高d,機會應該就比較微喇....
