唔係啩？一件衫，可以著足16年？
一件係97年吳鎮宇《難兄難弟》著過，一件係《衝上雲霄II》Sam哥(即又係吳鎮宇)，都係同款同色棒球褸，頸、手袖同衫腳都係有兩條間，都係拉鏈款，有眼利網民發現咗呢個「16年的秘密」之後，驚嘆道:「TVB真係咁慳家？一件褸著足16年？」亦有人話:「這肯定是穿越劇!!!」
節儉是美德，TVB將同一件戲服翻著十幾年都唔係問題——最重要係，件戲服會洗就得喇。而且驟眼望落去，《難兄難弟》件褸個款，都好追得上潮流，五十年代著又得，2013年著都得。
但係，睇真啲，唔一樣0架!《難兄難弟》嗰件係冇袋，而且冇修腰；《衝II》嗰件，有格仔，而且有袋袋0架。
一個美麗的誤會，但係，又真係幾得意的巧合!
