下面是引用alvis_warrior於2006-02-18 07:58發表的:
仲有點解分o甘多區的?
傳統I
傳統II
等等............(其他忘了名)
.......
咁係因為aveego有唔同玩法。
傳一同yahoo既一模一樣咁滯。一季一百m，無多無少。買左既球員可以keep。
傳二有少少唔同。個個星期你既球員都會被自動「清倉」，無得keep人。所以你每星期都要用100m黎買十一個人。不過可以儲錢。用唔駛既錢可以累積。
我地宜家玩一周過，就係用傳二個平台玩。所以你唔駛理其他版本。專玩傳二即可。
另外仲有對戰版。又係分兩大類。我地攪緊既「名家賽」（玩左兩季）就係對戰版。搵齊二十個fd，自己組一個聯賽。每周「bid」人黎鬥波。由於用bid人方法買人，每個球員只會由一名玩家擁有。較有獨特性。玩法係咁多個之中最特別，最好玩。但亦係最用時間，最麻煩。另外，要齊二十個人，個個唔會中途放棄，玩到最尾，亦唔容易。所以呢個版好玩但難普及。
投票版即係「對戰版」既公開版本。唔係人人都可以搵到20個fd黎玩。所以有個投票版，等你可以同d三唔識七既人組成一隊聯賽。就好似……你去雀館同d唔識既人打麻雀一樣。騎……騎……有關此版既玩法，你可以睇aveego既介紹。
其他仲有d「中中中」呀，「貼士版」都係d估波膽呀，估賽果呀個d，暫可不理。
