無線全新OTT服務「myTV SUPER」啟動在即，特別安排台慶級直播節目造勢，並以Crossover之作「亞視台」新頻道作宣傳頭炮，安排曾服務亞視的視后田蕊妮、陳煒等亮相，集TVB與ATV的優勢搶攻電視市場！
無線全新 OTT 服務「myTV SUPER」電視盒子將於 4 月 18 日隆重啟動，為了在異軍突起的電視版圖中搶佔席位，TVB 將於 17 日晚上以台慶級直播節目《萬千星輝睇多 D》為新服務作推介，屆時全台藝員傾巢出動，包括視後胡定欣、汪明荃、陳凱琳及鄭少秋等，而鄭裕玲將再度夥拍組合農夫及林盛斌擔任主持，歌手周柏豪亦現身壯「Sing」勢。
「myTV SUPER」將推出多個新頻道，當中有「亞視台」感覺的新頻道將作為宣傳主力，實行 TVB 與 ATV 劇集大玩 Crossover！該頻道將有獲 TVB 收購的亞視經典劇《萬家燈火》、《肥貓正傳》、《美麗傳說》以及《我和殭屍有個約會》等助陣，無線亦將出動曾服務亞視的視後田蕊妮、陳煒、江美儀與陳展鵬等實力藝員，為亞視經典劇主題曲獻聲。
貴為無線視后的阿田，對於亞視劇將在新頻道播出，笑言值得推介：「亞視劇集可以喺另一個頻道播番出嚟，係好值得高興，以前亞視劇可能冇咁多觀眾睇到，依家大家可以睇番，仲可以將台前幕後嘅精神延續出去。對呢個安排覺得好驚喜，自己喺亞視有過一段日子，有幾部對自己好有意義嘅劇集，自己就想重溫番離開前嘅《萬家燈火》。」阿田更將夥拍去年雙雙封后的胡定欣，介紹迪士尼卡通頻道，還有卡通人物登場載歌載舞。
對亞視劇獲安排於新頻道播出，陳煒感觸表示：「依家亞視劇集不至於失傳，亞視曾經有過好多製作，知道自己嘅《廣東十虎》都有買到，當時挑戰拳腳功夫，係認真製作，希望觀眾會留意番嫩口嘅我啦！」
同樣出身亞視的江美儀坦言收到消息，她大讚：「梗係好啦！依家冇咗亞視呢個台，但我仲可以有機會睇番亞視劇集喎，係好聰明嘅舉動！嚟緊 OTT 仲會播我嘅新劇《性在有情》，當然要喺節目度支持。」
亞視劇將在無線的「myTV SUPER」「重生」，加上「myTV SUPER」需製作大量節目，據悉無線正斟洽前亞視藝員包括蔡國威、袁潔儀、袁文杰及林韋辰等望能收歸旗下。週日將出席無線《萬千星輝睇多D》的蔡國威被問到是否加入無線？他說：「好開心出席呢件盛事，我仲未係合約藝人，若有好消息會盡快公佈。（再主持六合彩？）唔清楚，都未簽約。（若簽無線開心嗎？）平常心，順其自然。」
袁潔儀接受電話訪問談及是否簽約無線？她說：「自己樂意嘅，TVB工作環境好舒服。之前再返亞視做咗兩年，如果再一次放低都可惜，最近拍電影都有戲癮，想試嚇拍劇，但唔會強求，隨緣。」無線訓練班出身的袁文杰則說：「睇機緣啦，無線係有優勢，藝人經常出鏡，百利而無一害。」
此外，蔡國威、袁潔儀等前晚與眾亞視舊同事飯敍。
