引用第26樓Gabriel於2010-07-09 01:05發表的“”:
佢由頭俾人插到落尾，仲會黎討論？ [表情] [表情]
我覺得佢係有佢唔著既地方，但係我都講過哂我唔禁止商台體育新聞既理由。
我因為881903既事都pm過樓主數次，勸導佢正視問題。但係正如你所講，我無辦法阻止別人去做一個不假思索既人，我亦無權強行注入我自己既諗法落人地度。
而同樣地我亦都有勸導大家唔好作出無意義既回覆，鼓勵確實而言之有物既意見。如果唔係既話，咁大家既做法同樓主又有咩分別呢 ？咪又係丟低「幾隻」或者「幾堆」沒意思既文字係度 分別只在於字數上既差別
好友係大家既，只要唔係過界，我尊重大家既做法同意見。我亦都相信一個人做錯，唔會所有人都跟住一齊錯。
既然樓主覺得「由頭俾人插到落尾，所以唔會繼續討論」，但係又繼續不加思索係咁出呢類新聞，繼續引誘別人去插佢，其用意何在？
我同意大家「無辦法去阻止別人去做一個不假思索既人，亦無權強行注入大家既諗法落人地度」，但係我覺得某程度上，大家亦有權去表達自己的不滿。
「而同樣地我亦都有勸導大家唔好作出無意義既回覆，鼓勵確實而言之有物既意見。」原本我個人立場並唔同意表達不滿係無意義既回覆，因為用群眾壓力希望樓主改善出 topic 的質素並非全無意義，起碼可以俾樓主見到有幾多人不滿呢類新聞。變成無意義的原因係樓主對大家的不滿全不理會，繼續依然故我不加思索的去做。不過既然之前已經有討論過呢個問題，結論係已經將呢類回覆定性為「無意義既回覆」，我都同意大家應該遵守。
我打左以下一大段野，用意係希望勸導樓主儘量多加印證，如果發覺係「煲水新聞」就儘量少出。
引用第14樓火鳳凰於2010-07-08 20:53發表的“”:
呢類咁既煲水新聞真係周圍都係，一來有的煲水報章鍾意亂傳，二來有的球員 agent 傳出黎，用意係抬高球員身價。
大家成日講「881903 好煩」，其實唔係 881903 好煩，真正好煩既係樓主，完全不加思索，就隻字搬字咁將的煲水新聞全部搬晒過黎。
可能大家會問咁點分煲水新聞同較可靠新聞？
其實好簡單，煲水新聞通常只有一、兩間傳媒係度吹，而較可靠新聞就會有多間傳媒報導。
如果無時間去 cross check 幾個網站的話，就請儘量遠離充斥煲水新聞的媒體，例如 881903、the sun、news of the world…… 等等
不過我都想問一問版主，若果樓主選擇繼續不理不回應，下次我又出過呢段野的話，會唔會又變成「無意義既回覆」？
