[香港]廣納民意 [復制鏈接]

近日球壇新聞區發生一些小插曲, 主要分別關於兩個post


一、推文
http://bbs.hkbff.net/read.php?tid=47539

我無對喱篇文進行任何處分，我自己既意見係，是次推文並唔算百分百”無必要”，
因今時今日發生既事件，確實同該篇新聞有一定既相關程度。

但係，推文喱個動作，毫無疑問係對論壇運作造成壞影響，
所以我暫時傾向新增版規禁止所有推文動作，
而如果有同類情況，我建議各會員可以quote舊文到球壇講場討論。

有無人反對？原因如何？


二、文章界定
http://bbs.hkbff.net/read.php?tid=72330

事實上，一篇文章應否界定為”新聞”，各會員既睇法都存在不少分野，
有見及此，我希望同時新增版規，清楚界定究竟文章應該於新聞區發佈還是於講場區發佈。

我既睇法與ｊ摩雷同，

引用第14樓ｊ摩連奴．狂妄於2009-05-29 04:48發表的“”:
新聞應該要客觀和中立
有主觀性應該算落評論了 [表情]

而有關評論既文章，都應該發佈於講場區

但應該點樣界定客觀同主觀？
邊一類文章應該確實界定為評論？

為免新增版規名存實無，我希望大家可以發表自己既意見。
而為左鼓勵大家，我會作出適當既加分

推文的定義？幾多日後無人回覆先叫「舊文」？

係某d 情況下，推文其實可以接受，不過唔多適用係呢個版，唔係咩叫「新聞」


文章界定，我估其實都係想針對返 sina 個d 大陸文章氾濫的情況

主觀的意思，即係加插個人喜好來報導新聞，帶有偏見的成份，例如好似成份大公報、蘋果日報咁，好易睇得出者

客觀，即係按照事實的真相來報導，唔會有既定立場，或者偏幫某d 單位

賽後評分點計?

不過，其實新聞好難無主觀成份，點都有一兩句個人意見

第一，兩年前既新聞肯定係推文。

就算有關係，成千上萬領隊或球員既言論都會同日後戰績有偏差都唔等同可以推年幾兩年前既文。

引用 link 或者 quote 效果一樣。

新聞或評論，其實唔難介定。

http://bbs.hkbff.net/read.php?tid=72286&fpage=2

http://bbs.hkbff.net/read.php?tid=72250&fpage=3

呢篇呢?我覺得唔算新聞。

舊文既定義..真係好難..
應該講定..為期幾多

五日前既新聞已經無推文既必要。

引用第4樓本用戶不存在於2009-05-31 19:45發表的“”:
第一，兩年前既新聞肯定係推文。
就算有關係，成千上萬領隊或球員既言論都會同日後戰績有偏差都唔等同可以推年幾兩年前既文。
引用 link 或者 quote 效果一樣。

算啦，咁執著做咩，又唔係d咩大問題

引用第9樓icebati於31-05-2009 21:38發表的“”:
算啦，咁執著做咩，又唔係d咩大問題

咪講緊個建議囉。

推文...
其實版主清下文應該冇問題...
如果有原因的話，我覺得可以接受...
又話者拎去講場講...

文章界定...
我又覺得係人的問題居多~
要有事，咩新聞都會有事...
你話係名教練講野比分，係評論定係新聞？
呢d我覺得鬆好過緊wor...

引用第2樓icebati於2009-05-31 19:13發表的“”:
賽後評分點計?

我既睇法...

由NATURE睇看...其實包含左客觀既因素...應該放係講場討論...

引用第1樓arsenal於2009-05-31 19:06發表的“”:
推文的定義？幾多日後無人回覆先叫「舊文」？
係某d 情況下，推文其實可以接受，不過唔多適用係呢個版，唔係咩叫「新聞」 [表情]
.......

其實我覺得推文係可以接受，但條件係要”合理地”

論壇總版規亦指出

16. 會員不能對任何舊文進行不必要之推文動作或大量發出灌文類之文章，以達任何目的(包括但不限於參與論壇活動、進入限制之論壇、獲取論壇貨幣等)，警告後不改者會被資料清零、禁止參與該期活動，嚴重者會被即時停戶



宏觀整個論壇，總版規係禁止不必要既推文

而我個人判斷，我所指果個ＰＯＳＴ其實不屬於不必要推文，所以無觸犯版規


但推文喱個動作，對新聞區運作有負面影響，
所以我覺得無論係合理定不合理，都唔應該係新聞區有喱種行為。

因此，我想係球壇區新增版規，禁止所有推文行為。

而我主張既推文定義，係回覆發佈超個兩個星期既文章

引用第6樓sheva於2009-05-31 20:10發表的“”:
http://bbs.hkbff.net/read.php?tid=72250&fpage=3
呢篇呢?我覺得唔算新聞。

就係喱Ｄ"灰色"文章...