隔左咁耐先黎回覆添。
我反而著意路斯基係阿仙奴既功能！近一兩場，隊中無主將既情況下，可以見到路斯基對阿仙奴進攻既作用有幾咁重要！佢既邊路突破能力，推向大位遠射能力，間中神來之筆既妙傳，往往比人見到皮厘斯既影子！即係阿仙奴宜家最缸乏既一辦波。若然阿仙奴以此為發展方向，而路斯基又真係可以不負眾望，打出應有水準。我覺得阿仙奴既未來仍然係樂觀既。
問題係，路斯基傷病著實太多。只係今季，都不停見佢打下抖下，雲加又未算係用佢用得好盡。此種種都減慢佢係阿仙奴既溶入速度。我記得季初係我個篇文到我都已經提到，阿仙奴既成與敗，好大程度上，係睇路基斯既發展情況。唔係話其他球員唔重要，而係其他球員都已經係軋道上行走，係差在行得快D 定慢D。路斯基，個陣連上軋道都未講到。即使到宜家，都只可以講勉強「猛」車邊！
希比既打法，只係一個右中場，唔係翼。若然連路斯基都發揮唔到翼既作用，阿仙奴最引以為傲既側擊將會蕩然無存！中場個個都上腳，可以做到美妙既組織，但入唔到波（近排見到阿仙奴既問題就係咁）。搓到個波爛都唔會有用！係呢方面，路斯基既側擊力同遠射能力就變得更為重要。
阿仙奴遲早要迎接「沒有亨利的日子」。宜家唔早早建立隊型，到個日來臨。阿仙奴將會面對無可避免既長期低潮期！阿仙奴手上係有人。仲要個個又後生又有前途。呢班新人打得起個FORM既話，絕對可以獨當一面。個別球員既表現未必令人拜服，但夾起上黎能夠擦出火花就已經好足夠。
艾迪 雲佩斯
路斯基 法比 迪阿比 希比
基治 加拿斯 托尼 伊保爾
阿仙奴既未來五年，睇佢地架啦。
