[轉貼] 做個真正的男人 by 麻凡
而家冇人唔比你愛佢, 就係我地個個都明白唔可以control感情, 所以先話你~
你control唔到感情, 但可以control自己既行為, 我可見的是, 你對佢的愛並不無私,
你係有企圖, 你問心, 你仲留意佢, 留意佢身邊的男人, 想佢將所有野都講你知,
你幫佢做公司既野.........你根本就係仲抱住佢快d同個男人散然後覺得你其實好好再跳進你懷抱的心態!!
我諗呢個topic加加埋埋起碼有30句..........你放過佢啦!!!
唔好扮情聖, 唔好當自己係愛情小說男主角, 我地都係過來人, 而且係男人, 知道你諗乜,
唔好用一句"感情唔可以控制"呢d三流劇集對白來解釋你自己的自私心態!
我同我好多男性朋友, 大家都結左緍, 有d仲生埋仔, 有幸福家庭, 但其實都仲會想念以前的情人,
結左婚都仲諗? 係, 因為control 唔到感情嘛. 但我唔會打電話去同個女仔講, "你而家個男人唔係好人"
"聽聞你身體唔好, 不如過來幫你家務?" "你上個月原來生智慧齒, 你做乜唔同我講, 你知唔知我好失望?""我冇怨你, 但我好失望!"........
我唔會咁做, 因為作為一個男人, 我要做返個男人應做的行為, 不要拖拉, 我會信任佢, 祝福佢~
我有一個女性朋友, 佢老公日日周圍撩女仔, 口花花, 即使老婆仔女係到都係咁撩, 後來我仲知道佢\
曾經坐監, 學歷亦只到中三.......但呢個男人而家可以靠自己買左層樓, 每年一家人去一次旅行,
仲會係大庭廣眾幫老婆按摩, 同細路玩tvb個b.....一家人都不知幾咁幸福.......
你知唔知當年佢地拍拖, 有幾多人睇死佢地?
即使係至親的人. 都各有自己人生, 亦有自己的選擇權, 你當初可以選擇, 你冇選, 而家個女仔可以選擇,
你有咩權唔比人選?
你敢保證佢同你一齊會比其他人更開心? 你估你雙眼真係法官? 你可以睇死個男仔因為口花花就唔係真心?
你之前判斷錯誤, 錯估自己對呢個女仔感情, 今次又可以咁肯定自己冇判斷錯誤?
你係真係愛佢, 就比佢選自己想行既路, 是對是錯都係佢自己揀, 可以當係成長, 後唔後悔都係佢自己的決定~
做個真正的男人, 就算真係唔順眼個男人, 都唔應該八婆仔咁周圍同人講, 你想證明咩? 證明比邊個睇?
你只係證明到自己冇風度, 冇氣量, 冇口德, 冇成長..........
[ 本文被arsenal在2009-03-03 18:23重新編輯 ]
