舉個實例。
例子1：
你去旅行，梗係會影D 人影合一既相架啦，係咪？咁你想個人又清楚，個景又清楚，就要較細個光圈，令到個景深唔會太淺。咁影出黎既相就會人同景都清楚了。
但有時你又想強調個人，令個景虛化，咁你就可以打大個光圈（例如2.8 或以下），令到個景深淺D，咁就可以景到D 「好似」好靚既人像相（一般人覺得人清境蒙就係靚的了。
）
光圈係呢到既作用就係控制景深。當然，你需要一D 條件。例如，當時係夠光既，即使你較到個光圈好細，快門都唔會太慢。影出黎既相唔會蒙蒙地。因為光圈先決下，你決定光圈幾大既同時，相機本身會同你計算快門要幾快先可以做到足夠既曝光。若然當時係唔夠光，相機只係計「死數」，同你SET 個1/8 秒出黎，好容易就會有手震相出現的了。
例子2：係室內，當光線唔夠，你又唔想用閃燈又或者根本無得用閃燈，你可以打大個光圈，令鏡頭既入光量增加，以便影到足夠曝光既相片。
呢個情況下，光圈係要黎控制入光既量既。即係影響到你張相夠唔夠光的。
以上係基本之中既基本，光圈先決仲可以影響好多其他野。例如即使加左閃燈，人係夠光，但背景夠黑麻麻，亦可以用光圈既調節去左右。又例如，想保留多D 現場氣氛，明明現場環境係暖色為主，影出黎卻藍藍青青咁，都可以令用唔同光圈值到達到相同效果的。此中學問，人地係講幾堂，甚至十幾堂的。
