引用第169樓ArreatSummit於2011-12-08 22:39發表的“”:
咁如果影d動態野光圈應該大d定細d ?
其實無一定既。因為影動態野都有幾種影法。
舉例，你想「凝固」個一刻，想要有清楚既影像，例如影水滴，例如影魚缸入面既魚，例如影運動員衝過終點個一刻，例如影小朋友撥水，想連D 水花都影得清清楚楚，咁你要將快門調得好高。1/250 甚至1/1000 甚至再高。呢個時候，快門會係第一個要考慮既要素。光圈只係配合。有需要收細圈先做到咁快既快門既話，你都要收細光圈的了。否則，夠光的話，光圈都係唔好收得太細好。咁樣景深唔會太深，你中焦既機會就大好多。
但另一種動態攝影，想強烈既係速度感，咁正正相反，唔係用好高既快門速度去捕捉，而係要用較慢既快門速度，令畫面比人感覺好似真係「郁」緊，從而帶出速度感（當然仲要加埋其他技巧，例如PAN 鏡）。好多人影賽車、賽馬，都係用呢種手法的。呢個時候，光圈都係要黎配合快門。你要SET 1/50 既快門，可能被迫要用較細既光圈值先做到。
