大家一直攪錯左一件事。
宜家唔係因為發生貼相事件，有人爆粗，然後管理層處罰涉案既人，但一個重判一個輕判！大家完完全全攪錯哂！而攪錯既原因，正正係因為大家根本都唔知前因後果，亦都唔理之前發生過咩事。我覺得係咩都唔清唔楚既情況下大條道理咁質疑管理層既做法，令我十分痛心！你知發生咩事，覺得唔妥當，於是質疑，我都仲可以接受。你講明自己唔知咩事，但卻仍然質疑………我真係唔知理據何在！！
請大家明白，ban newcastle，絕對唔係因為一次既粗口事件。係連續無數咁多次既爆粗，挑釁，引起罵戰！佢多次被投訴（唔該自己去查番辦公室既post ，如果唔知頭唔知路就……），亦因為爆粗而試過被禁言！屢勸不聽！多次警告下依然故我！無視好友既規則，當管理層無到！被ban 前一兩日因為再次辱罵會員而收到「最後通諜」！講到明係最後一次機會！講到明囉喎！！然後又黎一鑊！管理層咁都唔做野我先要投訴呀！！
至於伊巴。ok，佢唔岩。呢個連佢自己都認左。本來呢件係一件小事。佢令人張相黎玩（好坦白，係有玩，但未至於好大侮辱性，有，但屬輕徽）。只要被玩既會員，用正常途徑處理：投訴！我好肯定今次事件會係好簡單同埋和平既情況下處理。根本唔會攪到咁大件事！但newxatle卻採用最不智同埋最野蠻既方法去處理！即係，樓上半夜三更開大個音響，請問你應該上門踢爛佢度門打佢一身，定係報警哎？
報警，你岩哂！警察會告佢！你上門打人一身，你錯哂，佢之前有冇做咩都變得唔重要。因為一單原本只係嘈音滋擾既案件，就變件刑事傷人！警察只會拉你，唔會問你咩動機打人。你都幾難用呢個理由黎將你打人既行為合法化掛？！
