其實我唔介意冇左呢個所謂既「特權」。呢個功能有佢方便既地方，亦有佢唔方便既地方。不過今日唔討論呢樣。
我想講既反而係行政方面既問題。桶少指呢個係論壇既bug，呢點其實係有問題既。可能，一開始，呢個真係一個bug。唔出奇。但當有人「發現」呢個bug，上報中央，而有關人士並無處理，容許（或默許）大家繼續用，咁由呢一刻開始，呢個就唔係單單係一個bug。我地係可以合理地認為呢個係論壇將錯就錯又好咩都好，無意中開放左比我地用既一項新功能。
點解我會咁著意去解釋呢一點？因為若然我地將呢個功能介定為係一個bug，咁其實大家係「指控」緊一直使用呢個功能既我同其他版主，一直係到偷取論壇既資源！明明無set 比你地用，你地無意發現有呢個bug，又唔出聲就一直用，咁仲唔係偷？但事實上，我地有出聲，桶少肯定知道我用緊。我仲試過pm 問佢有關問題。又試過公開討論呢個「新功能」。呢個絕非秘密。我係認為呢個係管理層有意冇意間開放比我地使用既新功能。我唔會視之為一個bug。
咁當然，就算係新功能，管理層話宜家要收番唔比我地免費用，都無話唔得既………
一個來自遠方的意見
