不滿台慶當《刑警》冇到
黃日華怒火噴無綫
2010年11月21日
《公主嫁到》雖然播映完畢多時，但前晚《萬千星輝賀台慶》上，仍跟台慶劇《義海豪情》分庭抗禮成為整晚演出重點，相反另一台慶劇《刑警》卻慘遭冷落完全冇影。難怪離開娘家 9年後專程重返無綫拍攝《刑警》的黃日華怒火中燒，昨日在微博炮轟無綫，直指劇集「屢遭打壓」，暗寸 TVB是 Totally Very Bad。
無綫慶祝 43周年的《萬千星輝賀台慶》前晚假將軍澳電視廣播城舉行，過往台慶全台小生花旦例必盛裝出席，但昨晚不少小生花旦均未有現身，包括佘詩曼、林峯、胡杏兒、黃宗澤和吳卓羲等等。至於跟《巾幗梟雄之義海豪情》一樣被列為台慶劇的《刑警》，雖然上周平均收視有 30點（觀眾 191萬人次），成績不俗，但劇中演員黃日華、苗僑偉（三哥）和宣萱等均未獲邀請出席台慶盛會，就連台慶夜中稍稍提一句台慶劇《刑警》也沒有，難怪黃日華昨日忍唔住在微博開火炮轟無綫。
先賀娘家後發真火
大前日黃日華還是靚靚心情在微博恭賀無綫生日說：「娘，今日是您 43歲生日， HAPPY BIRTHDAY。離家多年，去年回家短聚數月，仍感『親情』存在。祝愿您生產的『節目』叫好、所有『仔女』都成材。離家出外的黃華……敬賀！」
豈料昨日華仔態度卻 180度轉變，他中午時分忽然在微博開火說：「有人話：一部叫好叫座的劇集，不獲重視、缺宣傳（靠演員自己去做）、屢遭打壓、台慶劇在台慶夜被迫隱形。被……何來公平、公理、公正！我黃華好想問是那間公司？（憤怒、噴火）。」之後華仔繼續在微博發火說：「結果有人告訴我是這間公司： totally very bad。我頂！」（ totally very bad英文簡寫為 TVB）記者昨日致電華仔，但一直未獲回覆，而其助手則謂：「每個人都有言論自由。」並以華仔正忙於工作而未能回覆。
三哥認同不受重視
身為《刑警》另一男主角的三哥，昨日在微博回應華仔說：「絕對同意，為何《刑警》在台慶夜不受重視呢？不是公司的問題……是人為的……？」記者昨日就此事致電三哥，他聞言後說：「我都覺得無厘頭，奇怪咗小小囉。」問無綫究竟有否邀請他出席前晚台慶夜時，三哥說：「冇噃，所以咪奇怪咗小小囉，你哋幫我哋反映吓啦！」身為《刑警》女主角的宣萱則說：「平常心講，個劇係冇乜宣傳，自己會盡演員本份，但希望公司會公平處理。」
據悉，無綫最初確曾構思邀請華仔和三哥參與台慶，但最後擔心二人不能作胡鬧表演而打消念頭，變成《義海》的黎耀祥與《公主嫁到》的陳豪今年兩位視帝大熱的對決。
另方面，多位小生花旦如佘詩曼、胡杏兒、林峯和黃宗澤等，均被無綫調派往內地拍劇和拍電影，而廖碧兒、鄧健泓、馬浚偉、陳敏之、王喜和崔建邦等等，亦未獲邀請赴會，致令今年台慶淪為歷年人丁最單薄一年。
高層解畫陸續宣傳
對於華仔的指摘，無綫外事部助理總監曾醒明昨回應說：「主要有兩個原因，製作部當初構思台慶係《義海》同《刑警》兩個劇一齊做，但考慮到《刑警》係以紀律部隊做背景，我哋唔可以將紀律部隊娛樂化，呢個係審慎考慮嘅問題。另一個原因係台慶時間有限，唔係所有台慶節目都能夠出現，包括台慶特備節目《森海尋寶》咁，絕對唔係忽略個劇，我哋一路都有安排《刑警》宣傳活動，好似今個月 25號都會有個好大型嘅宣傳活動舉行。」
祥仔對華仔不滿深感無奈，昨日他在電話中回應說：「公司點解會咁安排我都唔清楚，華仔係一個好前輩，我好理解佢心情，佢咁耐冇返嚟拍劇，希望佢開開心心，唔好介懷啦！」陳豪則說：「公司安排我都唔太清楚，但我都覺得如果佢哋喺埋度，節目會更加五光十色，希望華仔唔好咁嬲啦。」採訪：林妃
http://hk.apple.nextmedia.com/template/apple/art_main.php?iss_id=20101121&sec_id=462&art_id=14683569
