[英超]蘇亞雷斯咬人被判停賽十場 [復制鏈接]

佢咬落去個下....我個人覺得好爽.......ivanovic 咁鬼阻訂....係我都火滾啦...

其實我仲好想哨牙蘇喺英超,我覺得佢啲脚法真係好正,賞心悅目

某程度上咬人係應該俾收山腳判得重,
因為收山腳始終係踢緊波,純粹係球員唔懂得分寸/太衝動咁用暴力手法去搶波/攔截,
但咬人...已經同踢波完全無關,純粹係失控/精神有問題(?)
危險程度係一件事,意識係另一件事..


另..呢單野又同曼聯扯上關係都真係幾奇怪..係咪真係要每單野都要夾硬賴埋曼聯黎講條氣先順d?

咁多..........？！？真係世界少有............

都預左s7會比人罰 , 始終咬人真係無得講,
不過十埸又真係多左d, 不過做利迷都應該慣左

其實停賽D判罰重唔重係要參考埋佢D前科
佢停10場我真係覺得唔出奇

相反你地上面所講既例子嚴重性係高 但阿古路呢d都係第一次犯
而泰利球場外多事非 球場入面都冇咩暴力行為 佢種族歧視停4場都係合理

ericlok:其實停賽D判罰重唔重係要參考埋佢D前科
佢停10場我真係覺得唔出奇
相反你地上面所講既例子嚴重性係高 但阿古路呢d都係第一次犯
而泰利球場外多事非 球場入面都冇咩暴力行為 佢種族歧視停4場都係合理 (2013-04-25 18:32) 

暴力行為同種族歧視都可以一概而論架咩

明明一個有證有據 一個只係憑球員既一面之辭
結果有證有據反而停四場 任得你講既就停八場
點睇都唔係合理掛

怒射角球旗:我重點唔係係停十場過唔過分呢個問題,而係我睇唔到足總會對所有球員都秋後算帳,一視同仁...
anyway,其實我覺得你舉個個例子証明唔到d咩...好似hazard踢汁波仔都只係停三場...好耐之前阿記個度度比人收山腳,,,人地都係停三場...terry有哂證據種族歧視都只係4場...
足總一直既行為 .. (2013-04-25 01:08) 

有證據證明hazard係踢波而唔係踢人

甘第一次犯停七場，重犯唔通唔停多個七場

你唔去咬人，咪咩事都無囉…………


既然明知全世界都針對你（當係啦），做咩仲要做D 咁愚蠢既行為？三歲小朋友咩？無自制能力架？

點解有人會覺得泰利個4場有証有據同合理?
個時法院判完泰利無罪之後,英足總自己決定罰4場架

freezefox:你唔去咬人，咪咩事都無囉…………
既然明知全世界都針對你（當係啦），做咩仲要做D 咁愚蠢既行為？三歲小朋友咩？無自制能力架？ (2013-04-25 23:25) 

好明顯佢就係一個自制能力非常低嘅人啦！

10場確實係太多，個人認為5∼7場會較合理

不過算吧啦！近幾季都係俾FA針對㗎喇！習以為常了，

捧愛隊唔等於盲目同包庇

yanyan:有證據證明hazard係踢波而唔係踢人 (2013-04-25 21:14) 

誤會左唔好意思..我無exactly睇過條video..只係見yahoo之前d新聞大字標題"hazard踢汁仔停賽三場"..睇返條video...hazard的確只係想係汁波仔身下面踢個波出來..唔係想踢人....
抱歉
btw..咁做咩hazard都會比人停既

怒射角球旗:誤會左唔好意思..我無exactly睇過條video..只係見yahoo之前d新聞大字標題"hazard踢汁仔停賽三場"..睇返條video...hazard的確只係想係汁波仔身下面踢個波出來..唔係想踢人....
抱歉[表情]
btw..咁做咩hazard都會比人停既[表情] (2013-04-26 11:34) 

yahoo都係copy goxx.com果d料 唔好信
因為個行為都係不君士 同個拾波仔太好戲..