引用第108樓jin於2009-09-07 20:53發表的“”:
今天試了一下∼
發現我最大問題就是不懂怎樣才算夠光...... [表情]
.......
其實無所謂「唔夠光」！因為再黑都可以影到相。只要你SET 定個光圈值，佢自然會比一個配合既快門值你去影。問題係，當快門係1/8 秒甚至係1秒個陣，你有冇信心唔手震咁解之嘛。
所以，所謂既「唔夠光」，其實就係話，你可以容許快門值調到最低既底線係咩（以AV先決呢個方法影相先係咋喎。快門先決係另一個故事）。
其實你可以同時參考下EV 值。
你先SET 一個光圈值，例如F8，然後半按快門。相機會自動同你配一個合適既快門值，例如1/250秒。咁理論上，你睇下個EV 值會岩岩係中間。
當你將F8 減細，例如去到F13。咁可以進入既光就會少左，於是，快門就會自動減慢D 以採更多的光。可能會由原來既1/ 250 變成1/100 。呢個時候，EV 值仍然會係中間。
上述兩個情況下，你都會「夠光」。
但若然「唔夠光」既情況下，例如你SET 到最大光圈，去到F3.5，無得再大。但快門要減慢到1/8 秒。係，理論上呢個快門配呢個光圈應該係可以影到既。但1/8 秒已經唔係一般人可以手持相機唔手震既程度。咁你就知道，呢一刻你係唔夠光了。你可能要推高ISO，或者用閃光燈了。
呢到涉及 另一個概念，即所謂「安全快門」。
呢樣我之前講過。即係你用50MM 鏡頭影野，安全快門最好係1/50秒或再快D。好在，你支18-200，有防手震功能。即係如果原本係1/50 既安全快門介線，用左IS 之後，可以去到1/20 秒都唔會手震。 但呢樣野唔係無敵。加上支炮又重，用左IS 我都係當可以減兩級至三級快門。即係，即使計數係可以去到1/20秒，我都會寧願用1/25秒或者再高一級黎影。以策安全。
最後，你要小心，相機係會被「騙」既。即係話，相機既測光都唔係一定準既。例如你著住件白色衫或者黑色衫，明明企係同一地方，出黎既測光測都會唔同。著白色，相機會被騙以為夠光。係呢個時候，你要手動去調整EV 值，將佢調高1/3 級或1/2 級。咁出黎既相先會「真正」夠光。調轉，你著件黑衫，相機以為唔夠光，會減慢快門，到時將相就好易OVER。於是，你又要將EV 值減低黎調節。呢D 就要講經驗。你自己慢慢掌握。
