freezefox:你點去證明個個球員同身邊人係「閒話家常」定係「涉及賭波」？
你去買波係你既事。關我咩事？至於我既轉會消息，從來唔係秘密。 日日都有記者問，有有都有人討論。就算本人，鐘意同邊個討論都得！唔到其他人管。
.......
(2018-11-20 15:48) 
所以咪話要睇佢條例係點，同埋佢實則係閒話家常定有收受利益，定係無收受利益但人地講明「你講我就去買」之下佢都仲話比人知。
前者，相信我地都唔會覺得有問題。中者，相信大家都認同有問題。後者，可能我地唔關事既第三方有唔同意見。但無論點，都係要等英FA甚至執法部門根據條例去查。
我由始至終都係抱著同一個想法：1.如果暫時我地所我既資訊係正確，查係合理。2.查完有無事同合唔合理就睇英FA或執法部門點講再評。3.唔希望史獨真係做左不當行為而最終有事，同埋希望得到公平既對待。
至於你果句「你去買波關我咩事」一般人包括我在內正常都會咁諗，但始終要睇情況同條例以免瓜田李下，假設英FA就係講到明如你明知對方會下注仲向佢透露內幕消息導致對方獲利係不當，咁就已經中招。
雖然不盡相同，但正如香港無得「合法」賭香港波，不存在呢個問題。
至於有得賭既馬，佢有條咁既例：
「59. 騎師不得作出下列行為：
(1) 向任何人士提供有關他可能會受某馬房聘請，在任何賽事或操練中策騎的任何馬匹的試跑資料，但有關馬匹的馬主或練馬師則屬例外。」
即係話，你閒話家常咁同人講「我呢個星期日場國際賽好大機會騎精英大師」都理論上唔得。
當然，香港賽馬本身就等同於賭，外國踢波不應是與賭劃上等號，但外國賭波合法。同埋我只想帶出係要睇相關法例點寫。
我都相信如果史獨係無心咁同人講/無參與任何賭博，應該無事，如果咁都有事再一齊插英FA!
