應否更改改名準則 [復制鏈接]

引用第41樓freezefox於2007-11-13 22:22發表的“”:
一早你就要諗清楚啦。
.......

你真好人
如果我未改名
我都會俾一萬佢既

e+ 全部身家得8000幾

引用第42樓G奶凸於2007-11-13 22:23發表的“”:
有冇好心人 [表情]

你去求吓啲首富啦

再講多次，呢到傾正經野。唔係要黎籌款既。大家既討論集中番係「管制命名」呢方面啦。

其實如果要改名....可唔可以改之前要幾個版主 / 榮譽會員審核

當然,批唔批准係由你地決定....但係批唔批既準則當然係d名唔好有淫穢,不雅咁樣,而又不失會員改名既自由....(就今次事件而言,你地有權唔批某會員既新名)

我相信有3萬好友元改名既...都一定唔係d來左無幾耐既好友會員....想改名只不過真係想比好友有d煥然一新既感覺...

其實我覺得3萬改名既制度無咩問題....

引用第48樓柯南仔於2007-11-13 22:58發表的“”:
其實如果要改名....可唔可以改之前要幾個版主 / 榮譽會員審核 [表情]
當然,批唔批准係由你地決定....但係批唔批既準則當然係d名唔好有淫穢,不雅咁樣,而又不失會員改名既自由....(就今次事件而言,你地有權唔批某會員既新名)
我相信有3萬好友元改名既...都一定唔係d來左無幾耐既好友會員....想改名只不過真係想比好友有d煥然一新既感覺...
.......

.


咁新加入個d 喱。佢地一樣可以改個好淫既名既喎。唔通又要個個審批？

引用第49樓freezefox於2007-11-13 23:15發表的“”:
.
咁新加入個d 喱。佢地一樣可以改個好淫既名既喎。唔通又要個個審批？

之前唔係新會員登記都要經過桶少審批架咩?(唔知而家仲洗唔洗)

如果d新會員真係改左d反感既名而又有發言既話

我相信好友一定會有人出聲....到時三郎就可以以壇主身份要求佢地改番個名

呢個都係另一個唔洗個個審批既辦法之一

當然,最好緊係可以有人審批...我相信一日如果有10個新會員左右..對相關負責審批既人工作量都唔會好多

再者....都可以登記前加入同意書一欄.....寫到明會員名涉及不雅內容,即ban...

唔睇同意書而堅持改衰名,就係佢地既問題

例如某會員既新名...如果真係有呢條例既話,可以一句野都唔講,即ban就了事

況且仲已經比左一次機會佢改名,佢都要玩野....仲洗乜晒咁多口水同佢講野

他和G.O.D一樣都係攞個諧音

引用第50樓柯南仔於2007-11-13 23:28發表的“”:
之前唔係新會員登記都要經過桶少審批架咩?(唔知而家仲洗唔洗)
如果d新會員真係改左d反感既名而又有發言既話
.......

係。所有申請都要經桶少審批。但佢只係審批ip之類。好似唔會理個名係點。

引用第31樓kobeBB於13-11-2007 21:46發表的“”:
我都好後悔 [表情] 所以有錢就改番 [表情]

係咪豬 xxxx 果個

呢個topic 講講下又無左件事……

總係有人開頭，無人結尾……



我講少少「意見」。就成個題目睇，我地應該可以以立法、執法，同審查三方面睇。


先講立法：

要定對錯，首先當然要有準則。有準則先可以作為對與錯既基本界定。原來我地論壇一早就有對網名既要求準則。係總版規中有列明：

17. 好友論壇為無粗言論壇及嚴禁引起罵戰，並對該等會員採取零容忍政策，任何文章、登入名稱、頭像及簽名皆不能含有粗言成份（包括諧音或別字），若有會員觸犯此條，將以停戶處理；各級版主有充分之權力分析某句子是否為粗言，版友皆不得異議。尊重其他版友為各會員之責任。


即係話。我地其實係有法可依。故此。有會員觸犯版規，我地已經可以引用總版規黎對佢作出裁決。


再講執法：

法係早有定立。但解釋同執行卻可能未得貫徹。簡單咁講，就係之前雖然有人犯禁，卻無人援引有關法則指出會員之不是，或作出相應之行為。令人錯誤地以為，我地並無就此方面作出規限。所以，當有人犯禁而被指責，往往理直氣壯地回應：「車！阿邊個個陣都係咁啦，又唔見你話佢！ban 佢！」當然，於法而言，我地並無錯。但於人情而言，又的確難以解釋。我認為，只要適當地公開宣佈論壇會就有關法則加強監管。一則簡單既通告，已經可以解決有關問題。即使有人質疑我地既執法，都可以理直氣壯咁對佢講：「幾時幾月咪再出左通告提醒大家囉！再犯就要ban 架啦！」

另外，執行方面。建議有如政府要人清折潛建物一樣。發現有人犯禁，或有人舉報會員犯禁。經討論商議（可公開討論，亦可總版內部商議），判定屬實後。即時發出改名通知。限定犯禁會員在指定日期內改名！因為論壇無理由出錢幫佢改。但若然佢唔改，或者無錢改。咁管理層有有權強制更改其名稱。但會員無得選擇。更改的名稱一律以「會員0010」等編制命名。犯禁者當然唔會鐘意呢類名稱。自然要自己出錢再改個自己鐘意既。但呢d 係後話，亦係佢個人自由。我地無必要理會。



最後到審查方面：


有會員建議所有人改名都要先關有關單位審批。但我擔心咁樣會加重各版主既工作負擔。亦無此迫切需要。始終犯禁既會員少之又少……

倒不如由會員互相監察。見有人犯禁，就主動向管理層作出投設。再由管理層處理。咁樣反而簡單直接得多。






講完。

呢條第17條.....上兩次裁審時我都曾經引用 post 過出黎，而且 high light 埋「零容忍政策」，可惜，當時無人理會，只係傾向「俾多次機會佢啦」、「細路唔識諗」之類回應。

我承認我係屬於比較嚴苛既人，但立法而唔執行，結果只會出現縱容既局面。

引用第55樓borisli88於2007-11-15 01:03發表的“”:
呢條第17條.....上兩次裁審時我都曾經引用 post 過出黎，而且 high light 埋「零容忍政策」，可惜，當時無人理會，只係傾向「俾多次機會佢啦」、「細路唔識諗」之類回應。
我承認我係屬於比較嚴苛既人，但立法而唔執行，結果只會出現縱容既局面。

問題係，好友論壇的而且確又係寬容度好高既論壇。唔係話我地比人講粗口。但我地係好容易就寛恕人地，容許會員改過自新……


呢到一直係咁既傳統。




你話係好事又得，係壞事都得。

即係純粹就總版規呢一條而加強執法就可以?

引用第57樓迪神於2007-11-15 01:12發表的“”:
即係純粹就總版規呢一條而加強執法就可以? [表情]

我會咁樣理解。

宜家只要補充少少具實既執行方案，例如強制改名既權力同程序。已經好完備。




再落黎，點樣真正去貫徹執行，又或者靈活運用有關規則，就係兩位總版既責任。

今晚同三郎攪攪~