freezefox:其實呢個先係宜家香港最大既危機⋯⋯⋯
(2019-08-20 11:21) 
我一個月前已經係咁講, 而家香港最大危機, 已經唔係修例或7婆, 修例一時三刻唔會翻生, 7婆已經係死人, 係唔係度無分別, 警權過大先係最大禍害。
警勢力原來呢幾年已經慢慢滲入各大紀律部門, 而家7婆放個炸彈, 將佢地的權力分佈意外曝光, 佢地便索性順理成章, 趁機全面強權接管政府話事權, 之後7婆被架空, 每次出黎都只能乃警方鞋底。
最初使用極權都仲有D 克制, 會試著解釋, 試著講門面話, 雖然D說話極低能如制服無空位等等...後來張建宗激嬲佢地, 佢地更夠膽公開反上司, 然後就大陸竟然公開支持佢地, 咁, 佢地的氣勢便如日中天, 魔性正式全面展開, 面對任何指責都不須再解釋, 只有無恥地否認, 有証據又如何, 你有你講, 我有我繼續否認, 除了第一次記招一哥稍稍跟口風認下錯外, 之後所有事情, 所有指控, 佢地一句錯都無認過!
軍警政權已清楚不過, 呢D邊個特首上場都扭轉不來, 我地以後只會繼續同警察係對立, 佢地亦都唔介意。
我最初都不斷叫人唔好仇警, 話只係一部份, 好多係身不由己, 好多警察只係打份工的, 無野心的等等,......而家我都再講唔出口了........
