周中聯賽杯快報：
part1
車仔marin終於出得，要留意下！之後車仔前場一定好亂，mata、hazard、oscar、moses、marin，甚至ramires、bertrand。。。hazard以後如果無態都未必穩正了。
michu又入波了喔！！不過又黃牌sosad。。。提早落場休息for下場聯賽，仲有無人繼續持有？:P
愛記同曼城都半主力出擊跟住出局，而我本身就成功避開了呢兩場波無落注oh yay！
愛記既銳氣唔知會唔會挫下呢，爆炸頭重要打滿全場，反而saints副選贏波繼續爭氣，聯賽碰頭形勢未必一面倒，jelavic復出前場有變化，可能唔會用咁多愛記人了。
曼城咁樣出局mancini一定出風筒，下一場一定會好凶狠，kun今場無出，睇黎可以捧一捧！！呢場巴神同tevez正選dzeko後備入替，下場出邊個真係唔知。
維拉作客勇挫曼城，agbon狀態大勇，聯賽主場對西布朗稍稍看高一 線 ，不過激戰120分鐘，之後聯賽應該都係繼續坐板待命。
老新同韋根都系留力既情況之下作客贏波，尤其是韋根似乎提早開league，雙方聯賽對碰狀態相當，和味濃。
至於大敗既西咸，主要都係出副選，無麼特別可言。
part2
阿記無意外幼齒出擊大炒coventry，giroud開齋、禾仔更加難得打正入兩球，同時OX都入佐一球遠射然後提早落場休息，睇黎週末主場對車仔都會用返上一場聯賽既陣容。
熱刺作客贏3球，vertonghen終於入波！！睇后防人腳佢應該系打閘的，65分鐘就休息了。聯賽作客曼聯或者都有多d雜分。龍門方面竟然系仙人正選gomes出黎見天日，似乎lloris既正選機會依然不明。
曼聯主場半主力出擊2-1戰勝副選出擊既紐記。后防新人擔旗，而最矚目既莫過於朗尼既復出，同小豆碧克組成三箭頭。朗尼踢佐76分鐘，睇黎返番去聯賽都有機會正選，咁就睇費sir點樣處置RVP+R10+kagawa了，換句說話，3人的得分都會分薄曬。
另一方面，紐記后防有隊長coloccini復出搭檔williamson打中堅踢佐61分鐘，S.taylor休息，而perch就繼續右閘打滿。前場主力全部休息，得P.cisse後備入替，而且終於頭槌開齋了，tiote亦都踢佐71分鐘，中黃牌預料中事。週末聯賽作客reading，后防人選要慎重購入，預計coloccini會搭檔S.taylor，而右閘就要睇anita或者perch，左閘santon無疑問。
QPR主場惜敗reading 2-3。Cesar依然正選，QPR后防作出人員調動，新兵Mbia搭檔之前表現神勇既hill正選，nelsen後備。睇黎系新兵無默契，今場reading入波有一球系shorey FKG，一球FK傳中gorkks頭槌，最後一球PxxxxK趁后防亂水後跟補入，成功逆轉反勝。Cesar最後時刻仲PKS佐Pxxxxk既射門。QPR前場做出調動，狀態大勇既hoilett終於狂奔數十碼入波，Cisse亦都禁區外大力抽射開齋。最後時段faurlin更加傷出。
Norwich主場1-0贏波，全書副選出擊，唯一要注意既就係holt竟然打滿成場，睇黎聯賽對利物浦好大機會坐板了。
最後利物浦作客2-1反勝西布朗復仇成功。利物浦11人全部副選+幼齒，反觀西布朗大半數主力出擊，3分鐘就因為利記龍門jones撲空而由tamas送入空門。lukaku繼續正選憑藉身體上的優勢表現唔錯，直到70分鐘先卑long後備入替。週末聯賽似乎都會繼續系lukaku擔正。利物浦憑藉sahin入兩球，第一球遠射，第二球靚組織suso+assaidi傳中補入，一眾小兵表現出色，不過週末聯賽相信繼續輪換返班first team出場。值得留意既就係中間位置，skrtel會搭檔查叔定係coates呢？本人傾向於後者，夠後生而且今場都有埋門機會，威脅比較大。
---------------------------------------------------------------------------------------------------------------------------------------------------------------------------------------------------------------------
鬼影醫務所骨科主診醫生reve本週推介：
今周屬於幾有挑戰性既一周，強隊多數作客，而且唔少中游對碰。值得留意既球隊有Everton、Liverpool、Newcastle、Aston Villa、QPR。
每個位置，我將會作出比較偏門而且最心水既三個推介，當中當然包括由我主打既每週靚骨之選∼
前鋒：K. Mirallas - Everton Sell at 6.81(market price 9.79)
此子開季多數打右翼內切，射門慾高，上場終於系jelavic缺陣之下擔正打前鋒曝曬分。宜家jelavic傷愈復出，相信會被犧牲的是anichebe，mirallas偷價固然非常吸引，但係現價依然值得購入。
S. Aguero - Man City Sell at 16.03(market price 17.58)
能力無需置疑，曼城啱啱系聯賽杯打埋加時然後出局，mancini呢淡氣點都啃唔落。KUN上一場休息，而其他三大前鋒都打佐好長時間，正選有保證，而且作客富咸往績都幾好，系今周為數唔多既高價人選。
D. Ba - Newcastle Sell at 15.34(market price 18.79)
狀態超FIT！！休息充足，而且拍檔P. cisse勢弱既情況之下，Ba會分到更多出場時間。
中場：H. Ben Arfa - Newcastle 9.39
繼續系睇好紐記系列，隊波狀態唔錯，對著周中出佐唔少主力艱辛贏波既reading，休息夠既HBA相信可以繼續爆發。
R. Sterling - Liverpool 3.32
邊路小子sterling近期迅速上位，3蚊雞既正選絕對可以稱得上系骨中之霸！利物浦場場好波不過贏勢輸波實屬可惜，隊中幼齒相信會把握上位大好機會，繼續有好表現。
J. Hoilett - QPR 10.08
近期終於坐穩正選位置，近兩場比賽均有亮眼的表現，獨食既踢法更加系yff的最愛。雖然周中踢足90分鐘無休息，但係亦都入佐一球靚波。睇好QPR主場贏西咸既朋友，今場可以考慮購入了。
後衛：S. Coates - Liverpool 4.44
核心推介！！！絕對系靚骨之選∼∼出場機會詳情請閱讀上面我對聯賽杯的分析。
M. Lowton - Aston Villa Sell at 6.27(market price 7.42)
算系CS機會比較大既平價人中比較好的選擇，佢同Clark都唔錯，只係Lowton打右閘，助攻機會大，而且角球攻勢佢都有份上去參與進攻。
Chico - Swansea 6.50
呢位朋友好耐無見啦！！！XD 我諗佢應該停夠三場了（如果錯佐你哋就就哈哈哈啦）。自從天鵝少佐佢之後，后防錯漏百出，相信佢復出可以減低唔少壓力。雖然作客硬淨既史篤城，我相信場波會系55波的，chico本身既進攻能力都好強，雜分應該都會唔錯，算系一個比較冷門的選擇。
龍門：Julio Cesar - QPR Sell at 6.44(market price 8.54)
神龍！身為巴西國門，能力依然值得信賴。首場對車仔功架盡顯保CS，次場輸熱刺3球仍然有6分，周中聯賽杯又因其他因素失三球不過PKS。今場主場對攻力有限既西咸，就算少d sv都CS機會好高。
J. Reina - Liverpool 5.39
雖然踢佐5場都未CS，加上要作客，但係對手系全英超入球conversion rate最低既norwich，就算后防有幾滄桑，PEPE都系時候出黎sv一輪，5蚊雞既身價，就算爆CS，回本都無難度！
B. Guzan - Aston Villa 2.54
是日靚骨推介！！！雖然given周中表現出眾，不過相信lambert都系卑guzan系聯賽打返正選，主場對狀態有所滑落既西布朗，有機會贏波由骨變肉。
