引用第2235樓yanyan於2011-03-06 21:02發表的“”:
信多利物浦最後一次 [表情]
杜格利殊心理戰抗老費
06/03/2011
文： 黃興桂
今晚最強戲碼係晏菲路雙紅會，利物浦落後曼聯廿一分之多，已經奪標無望，不過，「紅軍」主帥杜格利殊為保球會聲威，唔想畀「紅魔鬼」超前，一定會力阻曼聯取得第十九個頂級聯賽冠軍，所以今場利物浦實打甩髀。
利物浦今次於主場出擊，姑勿論新中鋒安祖卡路爾打唔打得，杜格利殊都希望於曼聯身上偷雞全取三分，即使未能創造呢個奇迹都唔緊要，就算和波都好，起碼可以幫阿仙奴爭標。「紅軍」今仗應該會穩打穩紮，唔會採用狂攻方式作戰，務求要令曼聯失分。
利物浦領隊杜格利殊賽前用番老費招數大打心理戰，係呢啲殿堂級領隊先夠薑咁玩法，佢叫老費唔好搞咁多小動作，咪使旨意搵着數，仲話說話是空泛的，呢場係名副其實嘅困獸鬥，咁做可以提醒球證唔好畀費爵爺擾亂視線，場波仲未打，但已經烽煙四起。
敲利物浦1:0、1:1波膽
Peter認為呢場波有機會開的兩個比數，分別係利物浦贏一比○同一比一。曼聯前線實力好過利物浦，但防線重心人物尼曼查維迪同里奧費迪南都唔打得。若然利物浦前鋒安祖卡路爾上陣就啱晒，「紅軍」先做好防守，再利用高空攻勢轟對手後防，有力搶得分數。
買呢場前睇下呢篇野先
