[英超]修咸頓後衛雲迪積克(Virgil van Dijk）向球會遞交轉會申請 [復制鏈接]

唔知點解個個一見到 apologise 個字就認定利記係淆底。又話跪低又話認錯。喂，睇睇份聲明既內文哎。  "We respect Southampton's position and can confirm we have ended any interest in the player."

呢句野變成廣東話就係：我尊重修咸頓既立場，不過我地宜家對呢位球員無興趣啦。你有冇見過一份真道歉聲明係咁高姿態架。難聽講句，有冇咁臭串呀？


留意，佢無認為佢有「非法接觸個球員」。佢只係話：" put on record our regret over recent media speculation regarding Southampton Football Club and player transfers between the two clubs." 係對媒體有關呢次轉會既佈導感到遺憾咋。至於apologise 既部分只係令到對方misunderstanding 咋！即係話，你地自己誤會咋。宜家我地連興趣都無呀。


講真，如果係真係驚既，佢就咁出份聲明，強調會方並無非法接觸對方球員就咩都夠啦。駛鬼道歉咩？調轉咁講，你真係比人捉到你違規接觸既，你道歉都無用啦。呢份根本就係表面道歉，實際係公開宣佈唔再考慮買雲迪積克既聲明。


其實大家都知，幾乎所有球會都會私下接觸球員，互相摸底。呢D 係潛規則。你要證明佢真係違規係非常咁困難。唔好比私下接觸四個字呃左先得架。你估真係連接觸都唔得咩。球員，甚至佢既經理人，同我方球會既人食下飯吹下水，有咩問題？你要證明到佢地之間有秘密「達成契約」，先可以告佢到佢（告唔告得成都仲未知）。但你點證明佢地有達成契約先？佢地唔會真係咁蠢真係簽約簽紙架咩，都係有個共識之類者，是旦一方死口唔認你點證明？咁多年黎，最近磅告得入既就係好似得拜仁個單，個中間人因為真金白銀收左二千萬定唔知幾多契約金，令到有具體達成契約既證據。先攪到好大件事！但結果係點？結果個中間人話我只係幫拜仁保管住D 錢咋。唔係訂金黎架！用咁荒謬牽強既理由黎抗辯。但更荒謬既係，好似真係咁都打得甩。可想而知，要用違規接觸球員黎告個球會係幾咁困難既事。你覺地利記係呢單野到，有咩實際證據可以比人渣係手？就係D 報紙講既就當真呀？報紙寫既全部都係傳聞，有邊一個係有人親口承認係自己講？所以聲明都係強調對傳媒既報導感到遺憾，而唔係話對收購呢位球員作出任何行動而道歉。攪清楚「道歉」既主要「內容」先。


至於個份回聲報既文章，正如我頭先所講，成篇文章，一個POINT 都無！係一個都無。值係鬧利記搖擺不定，淨係鬧利記變掛！但隻字不提對家提出控告利記呢個咁關鍵既元素！大佬，如果利記尋日話買今日反口，咁就叫搖擺不定者，宜家係賣家要告我地呀！呢個係成件事既關鍵變數呀！點可能提都唔提？我想問，即係就算對方開價75M，80M，甚至100M！只要利記之前話過要買，就唔理賣家開咩價都要堅持落去呀？呢個係咩理據黎架？如果係咁，咁真係唔搖擺不定，係好堅定地………豬哎嘛！即係60M 買已經豬豬地。唔得，人地開價75M 都要堅持，繼續豬落去。咁就叫堅定不移啦係話？低能！

修咸頓係咪傻傻地？定真係咁唔滿意利物浦年年撬佢球員？同錢作對？
錢都比足啦 有乜好告？ 又唔係逼你低價賣

freezefox:唔知點解個個一見到 apologise 個字就認定利記係淆底。又話跪低又話認錯。喂，睇睇份聲明既內文哎。  "We respect Southampton's position and can confirm we have ended any interest in the player."
呢句野變成廣東話就係：我尊重修咸頓既立場，不過 .. (2017-06-08 16:38) 

講得好,講出我既心聲,根本就係修頓玩野利記陪佢玩大佢,英國佬最叻語言藝術,明明一遍野表面睇係讚你但其實係暗串你,呢d睇文章成日都見,所以我都好氣憤點解d人一見球會出聲明就認定自己捧既球會唔岩一定有錯咁

"We respect Southampton's position and can confirm we have ended any interest in the player."

大家對呢句野既演譯唔同, 你覺得高姿態/臭串, 我既理解就係球會唔想再紏纏落去


大家都知道個轉會程序係咁, 所有球隊都係咁接觸, 呢方面唔需要再斟酌, 但係球會當然唔會直接承認我地「非法接觸個球員」咁鬼死蠢


The Premier League have indicated that they will not look any further into the case. (Dominic King)


咁點解球會要出份statement? 個目的係為左乜野?

當然就係想了左件事, 你身有冇屎都好, 道歉係有用架

睇左咁多年波, 你都冇幾何見過一間球會因爲對一個球員冇左興趣, 而要特登出份聲明啦?

講左話想要個球員大半年, 兩日前又大鑼大鼓咁週圍唱佢揀我地, 咁利物浦忽然冇哂興趣既原因, 會係因為修咸頓告我地定係叫價太高呢?


"Van Dijk has not yet formally confirmed to his current club he wants to make the move and Liverpool have not yet tabled a bid, but that will come soon."

http://www.telegraph.co.uk/football/2017/06/05/virgil-van-dijk-wants-move-liverpool-summer/


重點來了, Chris Bascombe一直都係可信賴既利物浦記者, 呢篇新聞就係兩日前(5號)公佈哂個球員決定後出既

即係話, 報紙吹左咁耐水, 原來兩隊都連計都未傾過, 50m, 60m全部都係得個up字

去到6號修咸頓就告上賽會, 稍後就'話'佢地要75m, 7號利物浦就道歉

我都有話, 英超有幾何會告得入又重罰? 但係我就選擇相信佢地係怕事, 而多過因為價錢傾唔埋啦, 有成個夏天可以傾, 個球員又企係你果邊, 你一日就離場又道歉, 唔係掛?

icebati:修咸頓係咪傻傻地？定真係咁唔滿意利物浦年年撬佢球員？同錢作對？
錢都比足啦 有乜好告？ 又唔係逼你低價賣 (2017-06-08 18:25) 

聽番黎，唔知真定假。修咸頓個女班主想成隊波賣盤！所以，宜家係做樣咁做！目的係想新買家覺得隊波仲有好多值錢既球員係到。


我都係道聽途說的。


根本呢幾年，個女班主點樣攪隊波，大家有眼睇的！有咩人係唔賣得？幾重要既主力，比得起錢佢就賣架啦。佢唔同佢老豆，佢對球隊無感情，佢對足球無興趣。佢只係當隊波係一盤生意。一開始佢就唔想攪的了。只係發現，原來攪波都有錢賺，仲賺唔少添。所以先一年年咁泵水落去買人，但同時又年年都賣走球隊既主力球員。眼都唔斬一下。佢會理球隊成績？唔降班就得啦。最緊要年年有球員可以賣好價錢。

freezefox:聽番黎，唔知真定假。修咸頓個女班主想成隊波賣盤！所以，宜家係做樣咁做！目的係想新買家覺得隊波仲有好多值錢既球員係到。
我都係道聽途說的。
....... (2017-06-08 18:49) 

搞到最後損失最大既好似係修咸頓搞到咁損失最大既好似係修咸頓

多謝呢單新聞，證明好友仍然有一班固定既支持者🤣🤣🤣

其實大家都係靠估。你話利記有痛腳比人捉到。跟據咩咁講？無，估架咋。主觀相信。我話利記無痛腳無人捉到。有咩證據？無！主觀覺得架咋。者係，大家都係相信自己主觀既感覺吧了。


我都同意，利記出呢份聲明，一定係想完左件事！但唔代表咁就咁淆底，咁就叫跪低。想完左件事既原因，可以係因為覺得對方開天殺價，可似係覺得對方貪得無厭！亦可以係被對方提告呢個行為惹怒！一怒之下，咪唔簽囉。錢係我手，球員係你手，大家都迫唔到大家架！你想賣你咪好好地坐低大家傾好佢囉。你玩到要告人，咁唔駛傾啦！拉倒！我覺得中止同對方再傾落去，都係維護尊嚴既一個方法。人地要告你，你仲要乞人地賣個人比你？六千萬呀！賣得成已經係比你搵左笨啦。搵完我笨，賺我一大筆錢，仲要周圍唱我，又話要告我，我仲你同傾落去，咁先係真正既恥辱呀！


至於雙方球會係咪真係無接觸過無傾過？你唔係咁天真，真係信修咸頓從來無牽涉其係話？！咁既大話都有人信真係天下奇聞。修咸頓無人涉及其中，D 五千萬、六千萬點黎架？利記自己開個價，再自己反自己個價，再自己開高個價黎玩自己呀？根本轉會期未開始，利記就唔可以OFFICAL 咁向修咸頓報價！修咸頓當然無公開、官方接觸利記啦。鬼唔知咩！但你唔係唔知呢個世界有中間人架係話？以前咁多DEAL ，咪又係一大堆中間人穿插其中。本來大家都係咁玩開，你玩玩下突然反「木台」話唔玩，仲要反轉豬肚咬我一啖，話告我喎！呢樣先係令利記中止傾落去既最大原因。你唔跟遊戲規則咁玩，咁點同你玩呀？你咪自己玩飽佢囉。

咁多年黎，睇左咁多轉會新聞，點解我地都仲可以咁天真？


單單未成事之前，兩邊球會都否認有件咁既事架啦！呢邊都簽約咁滯了，個邊突然又話我從來無收過你報價喎。你唔係真係信係話？


係，從來無收過你正式既官方報價！但前晚我地摸酒杯底時我就答應左你呢個價應該無問題既。不過我今日又想反口喎。咁點呀？咪對外講，我都無收過你地官方正式報價囉。點呀？你又吹我唔漲既。加多10M 啦，加多10M 我咪賣囉。



幾多單，前日都明明仲話無報價，兩日後就飛去體測了。無報價去咩體測呀？順便去做驗身呀？身體檢查呀？咁又點，咪又係簽約。有人會再同佢翻舊賬問佢：喂，你前日話無報過價架喎！點解今日又會簽佢架？人地聽到咪笑你天真兼單純囉。我話無你又信？

"根本轉會期未開始，利記就唔可以OFFICAL 咁向修咸頓報價！"

其實咁多年來都可以, 報價/簽紙/官方公佈等等, 只係去到七月一號果一日佢先真正成為你既球員

等如球員無正式向球會申請轉會一樣！


佢無正式申請轉會，唔等如佢無同你講佢打算轉會。一定有傾的！你係要話無，咁咪無囉。

你係要話修咸頓從來都無透過某D 中間人同利物浦互相摸底，D 五千萬、六千萬、七千五百萬全部係利物浦自己作出黎既，全部都係自導自演，精神分裂諗出黎，我都無你符架。

icebati:搞到最後損失最大既好似係修咸頓搞到咁損失最大既好似係修咸頓 [表情]  (2017-06-08 19:00) 

咁就唔知了。或者最後佢真係賣到盤，咁條數又唔同計法。

freezefox:等如球員無正式向球會申請轉會一樣！
佢無正式申請轉會，唔等如佢無同你講佢打算轉會。一定有傾的！你係要話無，咁咪無囉。
....... (2017-06-08 19:19) 

要作點解唔作平d

Alan0502:要作點解唔作平d[表情] (2017-06-08 19:32) 

或者大家覺得我係盲目咁撐利物浦。





咁就當我係盲撐吧！

修咸頓過去幾年同利物浦交易都叫順利, 今次點解要無啦啦告我地?

利物浦今次就係係未正式談判前, 將「木台」底既野搬上黎話比全世界聽(Van Dijk個決定), 用黎做籌碼, 你話壓價又好, 趕走其他球隊又好

你可以話冇乜問題姐, 個球員想黎, 利物浦又出得起錢. 但站係修咸頓立場條氣就梗係唔順, 你做到食梗我咁, 咪玩大佢唔放比你 十年前維拉就係死都唔妥協唔放Barry

可能過多幾日曼城又番黎啦, 又或者下個轉會窗放又得, 我係修咸頓既話, 都唔洗擔心佢冇價冇市, 只要養番佢健康就得