將d topic放入子版, 起初確實係可以預見到受注視o既程度可能會有所下降, 不過相信隨住時間過去, 大家就會適應返, 從而習慣去找尋自己需要o既資訊. 例如如果覺得preview有用, o甘住版發現唔到preview, 自然會周圍click去望下, 自然就會找到. 找不到仲可以問. 所以其實放topic落子版, 應該係適應上o既問題比較大.
亦有部分會員覺得, 講資訊擺出去, 就會無人理. 其實未必. 我覺得最常見到o既呢方面o既問題, 就係"出分" topic入面, 樓主將比賽當日o既最高得分o既球員列出黎o既時候, 唔知道去邊到得到呢個資料. 或者我試試解釋一下.....
當然, 有d人知道其實拎呢個資訊o既link其實係可以在yff版裡面找得到, 不過有d人還是會問, 咦, 邊到黎架呢d資訊. 從正面去想, 我覺得, 可能問o既人都係比較新o既會員. 如果係, o甘我地好友既然都以"細壇玩得比較埋, 同埋比較有人情味"自居, 有新d o既會員提出呢d疑問, 其實解答一下亦未嘗不可呀~ 有時好似呢d資訊可能一星期只需要用一次o既關係, 可能大家無o甘熟個link放響邊, 又或者大家應該都知, 呢d topic習慣係搶黎開, 開慢d怕俾人搶左黎開o甘, 所以開o既時候無時間從新去找個link, 於是就貪方便問, 也有可能. 況且, 正如大部分人買電器一樣, 其實都未必會從頭到尾將說明書入面每一項都看一次啦. 所以新會員問呢d問題, 我覺得可以理解.
至於如果想更加清楚, 可以再細分都仲得, preview一個子版, 其他資訊一個子版, (如此類推去細分) o甘就更加清楚, 不過有無此必要就難講d..... 但係若然唔分, 就全部炒埋一碟, 呢個應該係最差最差o既一個情況...... 按topic內容分類, 可以方便大家瀏覽, 令大部分會員受益, 我覺得應該將方便大部分會員呢一點放在資訊可能得不到全部會員o既注意呢點之上, 始終講到尾, 會員都有義務去自己找尋自己想要o既資訊. 至於開子版, 定用唔同顏色去mark個topic以作分類, 因為效果差唔多o既關係, 我自己覺得都無所謂. 如果有其他辦法做到同樣效果, 其實都可以研究研究~
