◤紅軍研究所◢ - ☆ You'll Never Walk Alone ☆ 永不言敗！ [復制鏈接]

posouth:暫時網上討論似係想吸引投資者, 賣部份估權, 而唔會全面退出利記 [表情]  (2022-11-07 21:54) 

大家咁想 FSG out ，宜家求仁得仁啦⋯⋯⋯

Fsg 賣盤係好事，fsg 大賺一筆，我地又可以upgrade 陣容，始終老化得太西利

posouth:聯賽踼咗13場, 贏5場. 歐聯踼咗6場, 贏5場. [表情]
點都好, 有得慶祝就慶祝咗先! [表情]
[圖片]
....... (2022-11-07 21:50) 

其實如果唔係輸左Leeds and 森林，其實分數上同前列分子唔係差好遠

freezefox:大家咁想 FSG out ，宜家求仁得仁啦⋯⋯⋯ (2022-11-07 22:55) 

假如出年無歐聯，個估值又會低左，冬窗又比人罵唔增兵，要賣呢兩個月好賣啦

怒射角球旗:Fsg 賣盤係好事，fsg 大賺一筆，我地又可以upgrade 陣容，始終老化得太西利[表情] (2022-11-08 08:37)

你肯定新老細會大開水喉？


又或者咁講，新老細肯大開水喉，比錢買人，但又事事干預，外行領導內行，咁一樣出事。曼聯格拉沙家族年年都肯比曼聯億億聲咁買人架⋯⋯⋯

車仔個新老細，感覺都係出事多。 一黎就炒咗杜曹，然後又話要買呢個買個個，指指點點， 仲話要將NBA個套帶入黎英超，係買咗好多人架，都用咗唔少錢架，但係咪真係好？

萬一新老細係以前紐卡素個類班主咁仲PK⋯⋯⋯⋯








有時，我寧願個老細比球會自主，等領隊決定，好過佢干預完一樣又一樣。FSC 係古寒，但佢勝在夠哂尊重高普。比著第二個老細，可能已經炒咗高普了⋯⋯⋯

freezefox:你肯定新老細會大開水喉？
又或者咁講，新老細肯大開水喉，比錢買人，但又事事干預，外行領導內行，咁一樣出事。曼聯格拉沙家族年年都肯比曼聯億億聲咁買人架⋯⋯⋯
....... (2022-11-08 09:45) 

無架，大家都係估估下，我緊係想新老闆係油王，你睇下曼城同卡數，慢慢build up，定期換血，又信領隊，肯比時間，咁緊係100分啦！

fsg 呢種模式，與其話佢比時間領隊，倒不如話佢/球迷肯比時間高普，比著第二個江湖地位無高普咁高既領隊，根本就坐唔到今日啦。無高普，fsg 所謂既放權，所謂既sell to buy係英超邊有可能立足到，如果仲係羅渣士，輸左比森林同leeds後，fsg 同球迷仲唔想擺佢落獲炒？fsg仲做到咁大自由度唔干預？我好有保留。

當然啦，真係整個車仔咁既班主，高普分分鐘自己起身走…..
Fsg 算比上不足，比下有餘既一定，但我地呢種fsg 模式要係英超成功，高普先係最大既因素。係我眼中高普遠比fsg重要，強如高普係傷病，陣容老化同無錢既情況下，今季成績都大倒退，假如一直維持呢種模式，我覺得係浪費左呢班球員，浪費左高普咁好既領隊，我地既顛峰可能就係舊年。球員一直變老，價值下跌，點樣再sell to buy？維持現況，可能勉勉強強保到前4，有高普應該都不會太差。但長遠黎講，我覺得係需要作出改變。Fsg 係呢個時間離場，佢地大賺一筆，絕對係好事黎。至於新老闆，唔知架，希望係好老闆啦

【 利物浦前主席成紅軍潛在買家 曾參與競投車路士 ｜體嘢報道 】

The Athletic記者David Ornstein披露Fenway Sports Group（FSG）已掛牌出售利物浦後，英國媒體亦相繼報導潛在買家，當中有兩位曾經有意收購車路士。根據《泰晤士報》記者Paul Joyce、Matt Lawton合撰報道，其中一家有意購買利物浦的財團，由英國航空公司前董事長博騰爵士（Sir Martin Broughton）領導，另一家是棒球隊芝加哥小熊（Chicago Cubs）的班主Ricketts家族。

鏈結：https://sportsyeah.hk/2022/11/sportsreport/38024/

#體嘢 #sportsyeah

怒射角球旗:無架，大家都係估估下，我緊係想新老闆係油王，你睇下曼城同卡數，慢慢build up，定期換血，又信領隊，肯比時間，咁緊係100分啦！
fsg 呢種模式，與其話佢比時間領隊，倒不如話佢/球迷肯比時間高普，比著第二個江湖地位無高普咁高既領隊，根本就坐唔到今日啦。無高普，fsg 所謂 .. (2022-11-08 10:51) 

我都唔認為FSG 係好好既班主，我只係信高普吧了。

而FSG 唯一既功績就係帶到高普黎利物浦。


一換老細，一朝天子一朝臣，高普仲可唔可以好似宜家咁有咁高既自主權，我唔知了。

怒射角球旗:無架，大家都係估估下，我緊係想新老闆係油王，你睇下曼城同卡數，慢慢build up，定期換血，又信領隊，肯比時間，咁緊係100分啦！
fsg 呢種模式，與其話佢比時間領隊，倒不如話佢/球迷肯比時間高普，比著第二個江湖地位無高普咁高既領隊，根本就坐唔到今日啦。無高普，fsg 所謂 .. (2022-11-08 10:51) 

有選擇下, 我寧願返返去年年爭頭四, 都唔要好似紐卡素, 車仔, PSG模式. 將球會變成使黑錢基地, 一係就靠足球嘗試洗白所作所為. 令支持一隊變成好似支持某政權, 某集團同佢地的做法.

足球重要, 但比起世界上好多非人道, 好得人驚的事情, 足球幾咁微小.  

freezefox:我都唔認為FSG 係好好既班主，我只係信高普吧了。
而FSG 唯一既功績就係帶到高普黎利物浦。
....... (2022-11-08 19:31) 

起用人方面, Klopp+ Michael Edwards!!

其餘方面, 我覺得係幾樣. 可持續性的買賣模式, 重大的投資只買20-25歲未完全成材的, 好似買CR7呢D絶唔會發生係FSG的球隊.

人工的structure, 好似好限制吸引人材, 但同時好似Sanchez, Ozil, Pogba, Auba等等好多反面例子, 唔渣實salary structure, 球員易買難請走, 壓死有限資源.

Youth academy, Kirby, 唔在講!

球場擴建, 2021仲係pandemic時起動工, 等睇一個61,000人球場!!

其他比較難見到的, 我覺得係marketing, 係亞洲利記一向受歡迎, 但入主得係北美的市場越搞越大, 同Boston, Le Bron的合作等等. 我覺得睇marketing有幾成攻, 睇sponsor肯俾幾多就知, Standard Chartered, Nike等等, 係英超個兩份約係數一數二.

一個球會的養份好重要, 如果2019-20奪取PL冠軍係果, Klopp係種出呢個果的植物, 咁FSG就係, 泥土, 養份等等, 好難見到. 除非係差到利老闆個時, 影響到棵植物都黃哂, 差到一個點時.


FSG團隊的貢獻, 在我黎講太多太多了, 絶唔希望佢地退場, 希望只係賣部份沽份.

【 FSG出售利物浦主因：歐超聯流產？｜體嘢報道 】

The Athletic記者David Ornstein、Matt Slater等人披露更多關於Fenway Sports Group（FSG）出售利物浦的內幕，並直指歐洲超級聯賽（Super League）的失敗、財政公平競技條例（FFP）未能如實執行，加上陣容重建成本高昂，令FSG萌生退意。一旦成功賣盤，FSG將考慮購買NBA或者NFL的球隊。

鏈結：
https://sportsyeah.hk/2022/11/sportsreport/38033/

#體嘢 #sportsyeah

posouth:起用人方面, Klopp+ Michael Edwards!! [表情] [表情]
其餘方面, 我覺得係幾樣. 可持續性的買賣模式, 重大的投資只買20-25歲未完全成材的, 好似買CR7呢D絶唔會發生係FSG的球隊.
....... (2022-11-08 21:09)

所有班主都係人。人就一定有人性。 做野一定有目的。


呢個世界，你無可能搵到一個班主年年億億聲咁掟落球會到，然後佢話佢無目的的。只係，佢既「目的」，同球迷既，有冇衝突。


格拉莎好清楚，佢係黎搵錢的。 搵到錢，佢唔介意年年億億聲咁買人（反正都唔係佢既錢）。最重要係，佢根本都無拎過錢出黎，佢係問銀行借錢去收購曼聯，然後要曼聯去食咗呢條數。 即係，曼聯借錢比佢去買起自己，然後年年幾千萬幾千萬咁比佢袋起啲董事酬金。 佢根本唔關心曼聯，曼聯起起起跌跌與佢無關。場波踢得精唔精采與佢無關。最緊要係曼聯既商業價值可以一直維持。而呢樣野，未必一定需要球隊打出亮麗既足球的。年年轉會巿場既吸睛收購已經可以做到個效果了。買返黎既人有冇用，WFC？大家鐘意呢種咁既班主咩？

曼城、紐卡素既油王班主，肯課金，又唔多干預球會運作。 放手比領隊攪。老老實實，全世界數埋數埋無幾多個。而佢地亦都係有目的了。 好似PSG 咁，係一樣政治洗白。 係一種國家宣傳工具。用 2億買尼馬，根本就係唔合理，違反正常球會操作既買賣。但如果目的係要黎宣傳一個國家呢？ 為國家建立形象呢？ 嘩，咁就好抵啦！ 只係，佢既目的，唔會「煩到你」，你唔CARE。 咪無問題囉。 就好似紐卡素之嘛。 你唔CARE 唔理佢個班主原來係一個咩人，之前做過啲咩。 話之佢之前殺人放火金腰帶，佢肯比錢球會，係英國又無做過任何違法既野，我理佢咁多者。咁咪無問題囉。


但如果係換咗某一個國家資金，你又會完全唔同反應喎。 你又會突然變得好憎個班主，好唔想同佢扯上關係，好唔想球會「變色」喎！ WHY ？ 點解A 國可以，B 國唔可以先？ AB 兩個國家都係獨栽國家喎，都係殺人放火金腰帶喎⋯⋯⋯⋯

班主投資落球會，一係就當佢係一盤生意，一係就當佢係一個玩具，一係就利用佢黎做國家宣傳工具。係呢幾類架啦。 仲可以有咩？ 咁當佢係生意，點都好過當佢係玩具。因為玩具係會玩厭的。當中亦無任何「尊重」既存在。


有冇例外？有！有出於愛，出於感情既。但，有咩人會對一隊英格蘭既地區球會有感情？咪就係個個地區既人，或有淵源既人囉。 咁呢類人當中，當然有富豪啦！但無超級富豪哎嘛。宜家中下游又或者年年升降機上落於英超同英冠之間既球會，咪搵到一兩個咁既班主囉。 呢啲班主有愛架！不過無錢呢⋯⋯⋯你接唔接受到哎？每年投放一千幾百萬落球會到，你OK 唔OK 哎？


呢個世界，無死錯人既⋯⋯⋯  

所以，FSG 未必係最好既班主，最少佢唔衰，我就心滿意足了。 尤其當你經歷過個兩個美國班主既年代⋯⋯⋯尤其你見過紐卡素對上個十年幾多淒涼⋯⋯⋯


車仔前班主阿油王，算得上係我眼中「愛」球會既其中一個班主，佢咪一樣比人鬧到狗血淋頭。 付出咁多，到頭來，得到啲咩？

freezefox:所有班主都係人。人就一定有人性。 做野一定有目的。
呢個世界，你無可能搵到一個班主年年億億聲咁掟落球會到，然後佢話佢無目的的。只係，佢既「目的」，同球迷既，有冇衝突。
....... (2022-11-09 13:28) 

中肯!

唔要Glazer/利老闆個種吸血鬼, 亦唔要殺人放火金腰帶的!!    

只係想要普普通通的生意人, 想揾錢但都尊重英國球會傳統, 唔係車仔老闆果D一黎就想成套MBA, NFL搬過黎咁. Henry都起碼等咗咁多年先搞單歐超聯出黎  


作為球迷, 概唔想要無限錢金腰帶, 咁其實我亦唔會想要利記好似PSG, Bayern, ManCity呢D無敵球隊, 無限資源. 年年有得爭下冠, 天時地利夾到個年有得贏下盃賽聯賽, 已經滿足!