◤紅軍研究所◢ - ☆ You'll Never Walk Alone ☆ 永不言敗！ [復制鏈接]

暫時唯一的期望係Gakpo, 起碼FA Cup應該有新人睇下

狀態差到連alisson都派膠

nunez終於入波

和波又要重賽

ＴｕＮｇ:和波又要重賽 [表情]  (2023-01-08 05:56) 

出盡正選, 連一隊小小狼隊都搞唔掂. 唉......

成日覺得最近的快反擊好危, 後場猶其是Alisson一向中意對方啱啱攻完, 未企好陣波就快踼出去做反擊, 但當次次都係咁, 自己人都唔係有空位時都夾硬俾, 結果就氣都未抖好, 又俾人再攻過. 快攻到好, 快攻唔到就停一停, 慢攻一樣可以  

輸第二球都幾突顯到, 我地的中場, 真係唔夠體力了. 以前邊可能成日由得對手帶波上而無中場中死跟? 絶大部份時間未去到中堅, 中間WIjnaldum/Fabinho/Henderson 已經截咗. 宜家, 一場波如果有一半時間俾到對手壓力已經算好

Heavy metal踼法, 但如果鼓手甩beat, 結他手又rock唔起, 仲算唔算係heavy metal?

ＴｕＮｇ:nunez終於入波 [表情]  (2023-01-08 04:49) 

靚, Nunez同TAA都係

今日Gakpo都ok, 訓練咗兩三個session就上正選, Klopp都無得揀了, 即係要用

好subtle的抗議?  




Henry哥的Boston RedSox同Yankee算係直接競爭對手, 同一個Division

Doak, Ramsay, Jones三個有份U21比賽, Klopp專登去睇. 希望三個都快高長大, 早日融入一隊.

Jones真係......有時睇車路士的James+Mount, 心中都諗如果我地的TAA+Jones都係咁就好, 同步成材. TAA呢幾年, 遇到有機會同時佢又把握. 宜家都大中場中危機, Jones要把握就呢半年了.

posouth:Doak, Ramsay, Jones三個有份U21比賽, Klopp專登去睇. 希望三個都快高長大, 早日融入一隊. [表情]
Jones真係......有時睇車路士的James+Mount, 心中都諗如果我地的TAA+Jones都係咁就好, 同步成材. TAA呢幾年, 遇到有機會同時佢又把握. 宜家都大中場中危機, Jones要把握就呢半年 .. (2023-01-11 21:52) 

ramsay好似一開波就紅牌

高普已經講左唔會有錢買人

ＴｕＮｇ:高普已經講左唔會有錢買人 [表情]  (2023-01-13 21:22) 

明白係想留錢夏天買Bellingham, 但今季如果由得佢差到連歐霸都係唔到, 夏天仲會有人加盟?

Ok, 前場同後場, 能夠代換的人選有限, 如果佢地表現失準D, 我會諒解. 但中場? 世界盃後, 理應起碼半隊人體力飽滿. 而事實上, 世界盃後踼咗6場波, 1和2勝3敗, 當中每一場都係Thiago+Henderson+Fabinho+Elliott四人輪換正選, 另外的Keita同Carvalho, 真係唔知training表現差定傷患定咩事, 一場正選都無, 另到Oxlade都頂到之下要替工翼鋒, 中場中又少一個. 好似當年中堅缺人, Fabinho/Milner都要頂後防, 中場中更缺人. 宜家已經極多傷兵下, 餘下的人都唔可以盡用. 睇到都辛苦.

Dias - Firmino - Jota
Arthur - Bajcetic, Milner/Jones(啱啱傷好, 有bench但連sub出的機會都未得)
xx - VVD - xx - Ramsay
xx

傷兵幾乎夠第二隊了. 總之傷兵多一回事, 餘下無傷的仲要係Keita, Carvalho, Tsimikas等等的邊緣人一堆. 以前就話得三個換人名額, 宜家五個名額, 都好似無幫助.

拉遠D黎睇, 其實宜家肯定唔係我地見過最差的利記. 我記得2020/21下半季, 試過一段7場6敗, 個陣時仲無奈. 不過果時個底夠厚, 頭半季夠分, 只係由第3直插到第7, 最終都撈番個第3. 今次由爭冠差一分, 到宜家樣衰到第9, 個反差真係........

容許吹多句. 今季的防守, 個種「緊迫」法, 好令我諗起上季的曼聯, 果種好似mark緊jog緊去對手, 但其實係扮番工個隻, 而對手都一眼睇得出係有心無力咁mark, 一D都唔擔心, 因為知道對方無力加速迫過黎, 個心好定. 但最慘呢個唔係踼到最後無力, 係由一開波到70分鐘都係咁.

下場FA Cup第二回合對狼隊, 好希望出正選Doak, Carvalho等等. 當係俾D有心肯跑的人正選好, 或俾一隊的人休息下又好. 總之Henderson/Fabinho/Thiago, 唔該一個都唔好出.