朗尼:更知道利記會失球......下次早響呀。
(2013-09-22 01:29) 
下？我早響左囉喎：
[quote]
freezefox:睇左利記尋晚個場，感覺利物浦有少少回塘。球員表現有心無力。雖然入左兩球，但兩球都係自己人送禮。真真正正由自己策動出黎，有威脅既攻勢其實唔係好多。同前三場既情況一樣，早段表現較好，後段有心無力。今場唔知點解，我直頭覺得佢地係冇心冇力！睇唔到爭勝既意慾，鬥志好一般。好似諗住拎一分上番榜首就算。被人追和二比二後，睇唔到球隊好有火，好想羸，呢個係我比較失望既地方。
傷兵問題始乎嚴重困擾住利記。格倫缺陣都算，點知連艾加都傷埋（估計傷左，唔係無理由後備都唔見人），後防變動太大。兩個後生仔落場，新組成既防線漏動頗多。新加盟既SAKHO睇黎仲未係好溶入到球隊，需要更多的時間磨合。原則上，單場計，出托尼仲穩陣。但長遠計，你始絡要比呢班後生仔擔大旗。短期內既犧牲似乎無可避免，咁既情況下，羅SIR 會點選擇，我地好難估計。
始乎對利記既CS 都打個折扣。尤其對手修咸頓兩翼側擊力強，高空波又係我地最弱個辦，失波似乎難以避免。今場，避險會係我既考慮。進攻方面，古天奴傷出，一定要密切留意佢既傷勢。
無左古天奴，利記中場既創造力會大減！史毒既供應亦會打個折扣！新加盟既摩西斯早段表現唔錯，但後勁不繼，而且幾乎肯定打唔足全場，太多可以SUB IN 既球員。除非古天奴真係傷出，咁佢出場機會先會較穩。問題係，古天奴傷出既話，利記又無咁吸引了。史杜列治狀態一般，一定唔係TOP FIT！
傷患問題睇黎未完全克服！可選，但未必係隊長既理想人選。 [ 此帖被freezefox在2013-09-22 01:53重新編輯 ]
