阿迪達解釋剔除奧燒決定：「我對呢個決定負上全責。我要令所有球員發揮最大潛力，呢個係我責任。呢個決定唔關任何行為，包括唔願意減薪既事。剔除奧燒係我既決定，要怪就怪我。我既任務係選出最佳隊伍去贏波，所以我嘗試對佢同其他球員公平，亦捍衛阿仙奴最大利益。」
.
「任何人都有權發表佢既諗法，而我只可以話剔除佢係一個足球決定。我既良知好冷靜，因為我對佢真係非常公平。」
.
對於有報道指係阿仙奴董事會係上層施壓落黎令奧燒落選，阿迪達回應：「我對呢個報道唔憤怒，因為好可能董事會係需要出黎解釋而家呢個情況，不過我亦知道我係呢度要答你問題，而我唔想隱藏係球會既班主，高層既後面。」
.
對奧燒被排除，阿仙奴球員Maitland-Niles直指高層：「我地全力支持奧燒，因為我地係一個團隊，我地會支持佢直至佢作出任何決定。排除佢呢個決定係你需要去叫個球會去解釋既事。」Niles入世未深，不幸做左國王的新衣個細路...
.
以阿仙奴球會架構，好可能阿迪達都係收order出黎護航。但阿迪達講話純粹足球表現既原因未免欲蓋彌彰，因為上季奧燒為阿仙奴場均貢獻2.36個關鍵傳送，係隊內拋離所有隊友(第二名Pepe只錄得1.79)，係場上絕對係傳送樞紐，就算話佢表現唔穩定或者阿迪達343冇佢既位置，以佢既經驗亦絕對足夠做後備上陣，輪換或PlanB，阿迪達今夏甚至打算用韋利安作為替代10號，連英超歐霸大軍都唔入選實在難以想像。而奧燒透露佢係「不被允許再代表阿仙奴」(no longerallowed to play football forArsenal)，阿迪達同Niles同樣暗指球會高層需要解釋，都暗示左呢個決定，絕對有高層一籃子因素影響。真相當然唔會由高層口中講出，但當事人既最後一句「會繼續為不人道不公義既事情發聲」，其實明既一定會明。奧燒對阿仙奴既忠誠，斷估都大過解僱25%員工包括Gunnersaurus既高安基啦，唔通信高安基唔信奧燒咩。
.
繼續話肯肯定，係足球原因既球迷，不如解釋下點解缺少奧燒既阿仙奴今季咁缺乏創造力(場均關鍵傳送只得6球，位列英超第17位，奧燒上季場均2.36幾乎等於一半)先啦。
https://www.instagram.com/p/CGogNZLgoMs/?igshid=1ouniqk286aq3
[ 此帖被迪克在2020-10-22 14:00重新編輯 ]
