「當望住你鍾意既球隊，變得愈來愈乞人憎，呢種感覺好古怪…」
先唔講疑似政治因素雪藏奧燒，單係阿仙奴o係武漢炎肺期間出爾反爾，減完薪之後即刻裁員55人、再無理解僱扮演吉祥物27年o既兼職員工Jerry Quy，已經覺得呢隊波西到冇曬幾年前公關一直以來營造既人情味；再講班主高安基身家竟然o係疫症下不跌反升，仲要灑手擰頭話冇咁多錢畀球會買人，完全只當阿仙奴係生財工具，注資畀錢好似求契弟咁先肯施捨d畀你買糖食，唔叫你條PK做「高狗」真係好畀你面。
好啦，阿仙奴聯賽又輸一場，創造39年來開局最差（4勝1和5負）。贏又贏唔到，入又入唔到，入球數字仲要係20支入面排尾5，冇攻力、冇戰術，連鬥心都冇埋。豪門？勁旅？入前四？爭冠軍？瞓醒未？
以往阿仙奴贏波我會好L興奮，打L曬粗口表現我hyper；輸波我更加會講L曬粗口，有幾粗得幾粗，因為見住鍾意球隊因為表現差而輸波你唔會冇感覺，嬲係好合理，但係「愛之深，責之切」，大敗一場又好、連輸幾場又好、甚至發過悔氣講：「呢啲西波我唔L再睇喇！」，一個星期後，咪又係坐定定睇直播，谷9氣。
但，原來有種失望，係會失望到開始唔想再有任何情感，灰心極都淨係想講句：「算L數啦」，但其實「算L數啦」背後，都唔知經歷過幾多次失望先得出既結果；呢種失望，雖然同成績有直接關係，但再深究落去，呢種失望源頭係來自成個球會管理，成績只係結果。
以前o個種「西」係指踢得差，而家既「西」係指貴球會任何行為都好L「西」，難聽d講句，好似現眼報咁。
當望住你鍾意既球隊，變得愈來愈乞人憎，呢種感覺好古怪；但更古怪既係，你會希望愛隊衰多幾錢重，寧願攬炒重建，都好似過而家死唔斷氣吊住條命唔知做乜9。
利申：撐左阿仙奴16年，由n年無冠、一年賣一個隊長、年年前四、歐聯十六強出局、全季四皆空、永瀆雲加撐到而家
from Facebook 足球說故事
[ 此帖被羅力亞在2020-11-30 16:35重新編輯 ]
