四五月份三場的曼聯對阿仙奴，估中贏輸，你有機會獨得三萬好友元。(tom估中三場) [復制鏈接]

引用第32樓realwayutd.於2009-04-29 18:31發表的“”:
支持任兄 [表情]
Wed. 29 19:45 UK 曼聯 v 阿仙奴：和波
簡評：阿仙奴得呢個盃爭一定要會同曼聯死過,會於早段搶攻,殺曼聯一個措手不及,可先開記錄,但始終後防冇咗Gallas應會俾曼聯追和,估計會1:1完場.
.......

你都支持我好多年了........

29/4
呢場我較睇好阿仙奴，講真連場征戰，曼聯已有d腳軟軟，聯賽優勢少左，加上主場又唔會水土不服，呢場我睇係和波

5/5

和左之後，兩隊會為保出線，都會盡力去爭嬴，不過由於聯賽包袱，最多都只會係一球上落，嬴既唔會大勝，只可以險勝。曼聯傳統係逆境波，呢場我會睇好曼聯贏波晉級

16/5
Match of the Season，今場唔到最後一分鐘都唔會分出勝負，曼聯今年應該會冠軍，不過呢場波一定會贏，阿仙奴都係做唔到阻礙者了，曼聯呢場會贏

Wed. 29 19:45 UK 曼聯 v 阿仙奴：曼聯贏波
簡評：相信曼聯主場會主攻，始終阿仙奴後防傷兵一籮籮，仲唔「襯佢病攞佢命」？！
　　　當然曼聯亦會小心阿仙奴搵守突擊「偷雞」成功，所以相信以控球為先，小勝居多。

Tue. 5 19:45 UK 阿仙奴 v 曼聯：和波
簡評：阿聯酋主場優勢，加上阿仙奴連續十九場不敗，勝算較高一籌，但反之攻力方面，
　　　沒有沙皇既日子相信大家有目共睹，而曼聯如果有心搵守突擊的話都幾難攻得入，
　　　表面上摸和居多，但始終歐聯雙方會以第一場賽果先決定戰術，變數大，賽果難以估計。

Sat. 16 12:45 UK 曼聯 v 阿仙奴 ：曼聯贏波
簡評：曼聯主場出擊加上爭標決心，已有種不勝無歸的感覺，而每每早場出擊既阿仙奴，
　　　體能方面亦遜色一班，直覺呢場曼聯大勝可期，但後防亦可能失大意波令戰程更緊湊。

Wed. 29 19:45 UK 曼聯 v 阿仙奴：曼聯贏波
簡評：今場阿仙奴冇沙皇，而且後防仲有幾個主力傷，加上曼聯主場，一定唔係比阿仙奴入作客入球，我估曼聯小勝一球

Tue. 5 19:45 UK 阿仙奴 v 曼聯：阿仙奴勝
簡評：雖然照樣係冇沙皇，但今場應該會有主力復出，嬴面大增，曼聯上場嬴左可能會打得保守，比阿仙奴有機可乘，加上主觀希望阿仙奴嬴

Sat. 16 12:45 UK 曼聯 v 阿仙奴 ：和
簡評：阿仙奴有沙皇打到呢場，但曼聯亦都想嬴波繼續領先優勢，應該會勢均力敵，和波

Wed. 29 19:45 UK 曼聯 v 阿仙奴：曼聯贏波
簡評： 曼聯十分重視歐聯,一定會博盡,喺主場出擊之下,有力先下一城

Tue. 5 19:45 UK 阿仙奴 v 曼聯：和波
簡評：先假設曼聯先勝首回合,次回合作客下定必打防守波,有力保不敗

Sat. 16 12:45 UK 曼聯 v 阿仙奴 ：曼聯贏波
簡評：去到聯賽的最後階段,曼聯有咩理由唔博盡?阿記冇野孚,曼聯應可勝

Wed. 29 19:45 UK 曼聯 v 阿仙奴：曼聯贏波
簡評︰阿仙奴作客表現其實不太好。八強時，雖然作客 1:1 和維拉利爾，但大部分時間都處於捱打狀態，只是幸運地靠艾迪巴約的神來之筆才拿到作客入球；聯賽方面，4:1 大勝韋根表面上贏得輕鬆，實際上是有運才得以反勝 — 基比斯從後拉跌對方呈單刀之勢的球員，卻只拿到黃牌，及後賓屈臣罰球中柱以致韋根未能以兩球優勢返回更衣室，埋下輸波的伏線；4:4 和利物浦，主要是靠艾沙維的驚人表現才保持不敗及取得多個入球。至於防守能力，相信大家有目共睹。因此，阿仙奴今仗面對實力更勝一籌的曼聯，難以全身以退。賽果猜測︰1:0

Tue. 5 19:45 UK 阿仙奴 v 曼聯：阿仙奴贏
簡評︰由於變數甚多，所以難以長篇大論（其實是生安白做）向大家作出分析。阿仙奴主場有一定保證 — 近六場全勝。阿仙奴可憑主場之利小勝。賽果預測︰1:0

Sat. 16 12:45 UK 曼聯 v 阿仙奴：和波
簡評︰同上，純粹胡亂猜測。雲加心理難捉摸，今場隨時出盡黃金中前場與曼聯「打真軍」，繼上次賽和利物浦再做攔路虎。賽果預測︰4:4

Wed. 29 19:45 UK 曼聯 v 阿仙奴：曼聯贏波
簡評：曼聯士氣正勢,喺主場迎戰缺少艾沙雲ge阿仙奴,勢必全力搶攻,
務求快刀斬亂麻,亦可以令次回合作客比賽比較輕鬆,考慮各項因素下,相信2:0會係合理戰果.

Tue. 5 19:45 UK 阿仙奴 v 曼聯：和波
簡評：相信曼聯首回合可以順利擊敗阿仙奴,呢場作客阿仙奴,雖然對方沒有主將沙皇,但主場威力,加上非勝不可ge心態同鬥心,絕不能看輕..曼聯主攻係愚昧選擇..務必以守和為目標,一攻一守ge攻防戰,相信會係悶戰一場,和波味濃,0:0機會頗大/1:1亦合理

Sat. 16 12:45 UK 曼聯 v 阿仙奴 ：和波
簡評： 如無意外,曼聯己於歐聯淘汰阿仙奴出局,兩隊之間仇怨極多,為報仇,為面子,阿仙奴必定唔會手軟,加上爭標形勢尚未明朗,阿仙奴更想飾演攔路虎一角,勢盡全力力阻曼聯奪冠.而且沙皇可於此仗披甲上陣,令阿仙奴實力大增,不過,另一方面,曼聯亦唔係善男信女,雖然體力有所輸蝕,但主場優勢相信可以彌補,為創輝煌成就,更想盡早鞏固榜首位置,氣勢,鬥心,主場..相信能與阿仙奴拉成均勢,雙方你一球我球,球來球往,大比數和波可能性高

Wed. 29 19:45 UK 曼聯 v 阿仙奴：和波。
簡評：阿仙奴後防重傷，但中前場有料之人十分多……拿斯尼，禾仔，阿迪等如果比法比傳送到靚波就死了……但曼聯前線可能繼巴塞後火力最強的前場！個人認為係1:1。
曼聯近場失球數字回復新高。連儂雖比禾仔強，但其實差不多都係勁快……艾拿急於衝前就制做空位了。而且曼聯也要兼顧聯賽。和波。

Tue. 5 19:45 UK 阿仙奴 v 曼聯：阿仙奴贏波。
簡評：阿聯酋主場威力強勁，加上阿記只有歐聯可搶，一定拼命……而阿仙奴對BIG4戰績彪炳，阿仙奴可以贏波了。

Sat. 16 12:45 UK 曼聯 v 阿仙奴 ：和波
簡評：今場聯賽雖有艾沙雲，但大部分球員都戰意成疑，阿仙奴不嬲比人睇淡時贏波，但曼聯豈是等閒之輩？所以亦是和波。

Wed. 29 19:45 UK 曼聯 v 阿仙奴：曼聯贏波
簡評：曼聯主場始終高過阿記少少，阿記後防又有傷兵，主場應該贏波

Tue. 5 19:45 UK 阿仙奴 v 曼聯：曼聯贏波
簡評：阿記主場傾力反撲，後防空虛被曼聯偷雞成功，結果再下一城

Sat. 16 12:45 UK 曼聯 v 阿仙奴 ：和波
簡評：大家o係聯賽既名次已定，冇咩好爭，可以hea踢，結果梗係和局收場

Wed. 29 19:45 UK 曼聯 v 阿仙奴：和波
簡評：曼聯始終有兩條戰線，首回合唔出盡全力，同阿記鬥攻，二比二完場。

Tue. 5 19:45 UK 阿仙奴 v 曼聯：阿仙奴贏波
簡評：返到主場，就係阿仙奴世界，猜住曼聯黎踢，贏波出線。

Sat. 16 12:45 UK 曼聯 v 阿仙奴 ：和波
簡評：今年阿仙奴係英超對住Big4，無論主場/作客都未輸過，而今場曼聯主場，和波格。

Wed. 29 19:45 UK 曼聯 v 阿仙奴 和波

法比加斯開始上力，可抵銷沙皇缺陣的影響。
而且首回合，相信雲加都會以守為主，尤其係早一場睇到車仔如何招架得住巴塞隆拿，
應該唔會隨便謬謬然打亂自己部署。

主客和　：　和
大細　　：　細

Tue. 5 19:45 UK 阿仙奴 v 曼聯 阿仙奴贏波

到次回合，返到阿仙奴主場，相信到呢個階段係英超曼聯仍然未能係聯賽帶離利物浦，
而且更重要既係雖然曼聯打少一場，但始終未贏，三分唔算落佐袋。
作客打阿仙奴呢一戰後幾日就有場「曼徹斯特市打毗」，
呢場波曼聯有可能出五個中場，盡量控球在腳以免消耗多餘既精力，
阿仙奴主場理應主動，但中場要搶始終唔夠對手機動，
所以都無必勝把握，選阿仙奴只屬主觀意願。

主客和　：　主
大細　　：　細

Sat. 16 12:45 UK 曼聯 v 阿仙奴 和波

打呢場比賽之前，曼聯唔再存在打少一場既情況了。
正常推測曼聯會有三分既領先優勢，
曼聯之前兩對阿仙奴加上有韋根既補賽，與及對曼城既打毗賽事，體力消耗巨大，
加上主隊有沙皇坐鎮，雲加無理由被曼聯將自己既賽事替別人作「嫁衣裳」，
一於攪串曼聯提早封王既預謀。

主客和　：　和
大細　　：　大

以上純屬廢 up。

引用第55樓本用戶不存在於2009-04-29 22:17發表的“”:
Wed. 29 19:45 UK 曼聯 v 阿仙奴 和波
法比加斯開始上力，可抵銷沙皇缺陣的影響。
而且首回合，相信雲加都會以守為主，尤其係早一場睇到車仔如何招架得住巴塞隆拿，
應該唔會隨便謬謬然打亂自己部署。
.......

廢得黎都好似喎.........

咁多人估左o既

我等埋今晚有陣容睇先

引用第56樓任天痕於29-04-2009 22:32發表的“”:
廢得黎都好似喎......... [表情]

第三場打錯佐「主隊有沙皇坐鎮」

我又玩...

Wed. 29 19:45 UK 曼聯 v 阿仙奴 曼聯贏波
曼聯主場打高一線，阿仙奴鋒線缺主將 VPS 、沙皇不克上陣且後防空虛，曼聯應會乘勢爭取進球數和力守城門不失。


Tue. 5 19:45 UK 阿仙奴 v 曼聯 阿仙奴贏波
預計阿仙奴會狂轟濫炸，曼聯應會主守並加強中場防守，曼聯輸少當贏。


Sat. 16 12:45 UK 曼聯 v 阿仙奴 和波
保守估計，比賽前曼聯有三分領先優勢，為保聯賽三連霸，此仗許和不許敗。