未訓之前講多幾句
首先多謝大家支持，我都無諗過可以撐咁耐，一開始衝上去紅棉路都搞到徧體鱗傷，之後成日都周圍走黎走去幫手做野，今朝七點幾仲呆左係度整理 D 物資，因為真係唔想浪費市民捐出既每一樣野
今次既佔領行動，出到黎就一定要出黎，唔好再用認命既態度、一句「無用」就放棄呢個大好機會
我地要攞返香港人應該有既自由同權利，實理真普選，同埋收拾 689 呢個無恥之徒
你地呢，唔一定要去到最前線同警方衝擊，可以選擇搵個較為安全既位置落腳，和平理性參與集會
當然，大家都要做足安全措施 (戴眼罩、口罩、包保鮮紙、著雨衣等)
因為警方有可能會使用胡椒噴霧，甚至係催淚彈，總之一見到勢色唔對就要即刻徹離，唔好咁豬諗住硬食一野，呢點大家都應該明架啦
最好搵多個伴一齊去，三五成群就更加好，有咩事都可以互相照應
建議帶去既物品︰水、少量乾糧、口罩、
眼罩、保鮮紙、遮
其實最緊要都係帶個人去，因為現場會有大量物資供應 (多謝無數熱心市民)，例如水、紙巾、口罩、保鮮紙、遮、退熱貼、餅乾、麵包、生理鹽水……乜都有，M 巾都有
如果你得閒既，亦可以幫手做下義工，傳送物資、派下食物同水咁，有急救證書既直情可以幫手做急救員
有咩唔明可以上和平佔中個 facebook 搵資料睇
總之，今次我地每一個人既出席，對整個抗爭行動已經有好大既作用
呢場將會係一場長期既抗爭，唔會佔領三幾日就實現到真普選，但而家已經係一個非常好既開始
希望稍後發展到全港罷課、罷工，俾中共見識下香港人既力量
[ 此帖被senal在2014-09-29 11:35重新編輯 ]
