四月份三場的阿仙奴對利物浦，估中贏輸，你有機會獨得三萬好友元。 [復制鏈接]

Wed. 2 20:45 UK 阿仙奴 v 利物浦 ：利物浦贏
雖然係亞記主場,但係始終缺乏兵源,球員體力不足,在臨完場前被謝隊長搞掂, 另外聯賽方面,由於亞記仲有機會,所以會留力係聯賽,在歐聯會希望全力守和,但係始終久守必失,呵呵

Sat. 5 12:45 UK 阿仙奴 v 利物浦 ：阿仙奴贏

首先亞記方面,由於在聯賽仍有機會,會出盡全力搶攻,在歐聯留ge力都會出盡,所以贏ge機會好大,至於利記方面,抱住d個"既然益左曼聯,無理由唔益亞仙奴"ge 心態, 況且要留力歐聯,所以收起所有主力,所以會輸XD

Tue. 8 20:45 UK 利物浦 v 阿仙奴 ：利物浦贏

由於首回合領先一球,所以次回合番到主場,會打穩守突擊,同時由於阿仙奴已經係聯賽果場比利記搾乾左,所以係攻到一半ge情況下,開始力不從心,被人一個突擊搞掂,跟著就兵敗如山倒,輸夠3球~呵呵

用戶arsenal通過銀行給你轉帳10000元錢，系統自動把以前的利息加到你的存款中，你的利息將從現在重新開始計算

多謝arsenal又贊助多10000好元.........

引用第89樓arsenal於2008-03-23 21:24發表的“”:
好多前後矛盾 [表情]

當然有喇.........如果唔係就會「主、主、主」........

呢個當然有個人喜愛的元素，亂估的元素.......

引用第96樓arsenal於2008-03-24 23:17發表的“”:
過左數

收到.......

四月份三場的阿仙奴對利物浦，競猜有獎成績。



2/4 阿仙奴對利物浦
阿仙奴贏：１２
利物浦贏：４
和波收場：１４

5/4 阿仙奴對利物浦
阿仙奴贏：１８
利物浦贏：１
和波收場：１１

8/4 利物浦對阿仙奴
阿仙奴贏：６
利物浦贏：１８
和波收場：６

總和
阿仙奴贏：３６
利物浦贏：２３
和波收場：３１

Wed. 2 20:45 UK 阿仙奴 v 利物浦 ：和波
簡評：阿仙奴的主力沙格拿受傷，而該隊其他主力都是年青球員，代表歐聯經驗不足，而利記首回合的目標應該係守和。

Sat. 5 12:45 UK 阿仙奴 v 利物浦 ：和波
簡評：雖然阿仙奴要搶分爭冠軍，但利記也要搶分踢歐聯，以利記近期的表現，這場波可保不敗。

Tue. 8 20:45 UK 利物浦 v 阿仙奴 ：利物浦贏
簡評：由於阿仙奴首回合失利，次回合會搶攻，但利物浦會穩守突擊，所以阿仙奴有前冇後，最終被利記擊敗。

Wed. 2 20:45 UK 阿仙奴 v 利物浦 ：阿仙奴win
簡評：阿仙奴主場強橫，反勝保頓士氣大陣，阿仙奴先下一城！


Sat. 5 12:45 UK 阿仙奴 v 利物浦 ：阿仙奴win
簡評：利物浦留力，阿仙奴再下一城！

Tue. 8 20:45 UK 利物浦 v 阿仙奴 ：利物浦win
簡評：預期主場利物浦會盡地一鋪，坐和望贏。最後哪隊出線可能要加時才分勝負！！

Wed. 2 20:45 UK 阿仙奴 v 利物浦 ：和波
簡評：利記歐聯作客一向穩陣, 賓帥既如意算盤一定係作客先守和或偷一個作客入球, 然後番主場ko你。 但近年見到雲加明白到 「响主場唔失波緊要過入波」既道理, 所以响雙方都好熟路既情況下亦唔會太冒進, 估計0:0或1:0機會十分大, 但以和波機會佔先。

Sat. 5 12:45 UK 阿仙奴 v 利物浦 ：阿仙奴勝
簡評： 本場兩軍心態大不同: 隨著上週大敗予曼聯, 利物浦已可以正式同聯賽亞軍講bye bye; 但剛剛打敗愛華頓後第四名亦十分穩陣, 愛華頓之後還要對阿記車仔, 反先機會微乎其微, 所以利物浦大可出十一個副選, 用較消耗體力的踢法來跟阿仙奴的主力週旋。 至於阿仙奴, 如果呢場贏唔到, 之後就只可以同車仔爭第二名, 心態分別加上主場出擊, 實在想不到阿仙奴不能取勝的理由。


Tue. 8 20:45 UK 利物浦 v 阿仙奴 ：和波
簡評： 呢場既賽果最難估。 因為之前兩場既賽果及戰況都對呢場起著微妙的影響。 利物浦不用說必定養精蓄銳搏呢場, 呢場既關鍵係要睇阿仙奴有冇心, 同有冇力, 兩者缺一不可, 因為阿仙奴之後的聯賽要作客對曼聯, 如果比賽去到中段時大局已定雲加或會放棄。 但若以本人以上推測的賽果為藍本的話, 雲加會沿用作客ac 的部署, 險中求勝。 說實話, 雲加要打真軍的話是不怕賓帥的, 只是恐怕阿仙奴球員體力不繼。 利物浦贏波的機會是較大, 但基於自己支持阿仙奴的心, 唯有搏機會也不細的和局, 在感性與理性中找個平衡點吧!!!

Wed. 2 20:45 UK 阿仙奴 v 利物浦 ：和波
簡評：係人都知打歐聯利記一定打高一皮波，今次仲要先客後主，佔盡優勢！估計首回合利記會先以一球作客入球為目標。阿仙奴雖然上場留力，但下半場都係要出番ade，反勝為球隊提高番士氣，不過經驗上不夠利記，可望和局。

Sat. 5 12:45 UK 阿仙奴 v 利物浦：和波
簡評：利物浦聯賽爭標無望，預計賓sir一定大玩輪換制，但阿記依家講緊仲有爭標機會，戰意上一定俾利記高。但考慮到阿記板凳深度嚴重不足，三場大戰一定不能輪換多位主力，二線球員又未必夠打，賓sir可能要求副選以消耗對方體力為目標，可泠敲和波。

Tue. 8 20:45 UK 利物浦 v 阿仙奴：利物浦贏
簡評：經過上面兩場大戰後，如無意外利記會盡佔體力，經驗同埋主場優勢，阿記即使有心但巳無力再勝，睇下雲加會唔會係下半場覺得無望收起主力全力聯賽。就算唔會，利記亦可佔６４波之優勢，贏波可期。

Wed. 2 20:45 UK 阿仙奴 v 利物浦 ：利物浦贏
簡評：利物浦聯賽爭標希望微乎其微，定全力爭勝。阿仙奴有聯賽兼顧,板凳深度嚴重不足，上場Ade想休息也逼不得已被派上場，今場或會休息，即使出場狀態成疑。這樣，阿仙奴只剩VPS一位能擔大旗的正前鋒了。利物浦歐聯得醒，連主場的國米都是其手下敗將，F9着火。

Sat. 5 12:45 UK 阿仙奴 v 利物浦 ：阿仙奴嬴
簡評：利物浦在上場對阿仙奴應已出盡精力，反之，阿仙奴或只在上場歐聯留力，體力比利物浦好。作客聯賽中力求爭勝的阿仙奴，利物浦不被睇好。

Tue. 8 20:45 UK 利物浦 v 阿仙奴 ：利物浦贏
簡評：歐聯+主場，不用多說。

Wed. 2 20:45 UK 阿仙奴 v 利物浦 ：和波
簡評：阿仙奴近況認真麻麻...而且受傷兵問題困憂...考慮其主場戰力亦不差....
再加上利物浦近屆歐聯經驗豐富....首戰作客應會先以謹慎不失為先....
而且阿記因尚有奪標希望....亦會留力打聯賽....故首仗定必以不失為目標....

Sat. 5 12:45 UK 阿仙奴 v 利物浦 ：阿仙奴贏
簡評：雙方於歐聯大戰後體力有所消耗...前者力追聯賽冠軍...加上其主場優勢...
阿記形勢較為主動...利記已領先愛華頓數分...該場有失分的空間...
加上賓帥為下場歐聯....有留力的可能...或會收起部份主力....搶分的動力相對地較低...

Tue. 8 20:45 UK 利物浦 v 阿仙奴 ：利物浦贏
簡評：阿記如前兩場都不能籍主場之利擊倒利記...相信作客晏菲路亦行凶多吉少...
加上阿記兵源較為緊黜...利記憑其歐聯經驗...加上阿記防線甚為脆弱....
對弱旅保頓亦可失兩球...利記如此先取得作客入球...必勝無疑...

Wed. 2 20:45 UK 阿仙奴 v 利物浦︰阿仙奴勝

看好阿仙奴勝出的原因，不是由於本人純粹以球迷的立場而支持阿仙奴
事實上，阿仙奴反勝保頓後，帶來了不少正面的影響，當中包括士氣大增、恢復信心、鬥志重燃等等
而且，雲佩斯狀態愈來愈好，他不但能傳擅射，而且最重要的是能夠有效連接中前場的攻勢
所以，阿仙奴只要發揮出應有水準，首回合先拔頭籌不是問題


Sat. 5 12:45 UK 阿仙奴 v 利物浦︰阿仙奴勝

假設阿仙奴如我所料於歐聯首回合勝出，利物浦必會在聯賽留力
甚至收起托利斯和謝拉特，以應付歐聯第二回合賽事
另外，在聯賽方面，利物浦暫時已和第五位的愛華頓拉開五分差距，尚有失分的空間
因此，阿仙奴可乘著對手戰意成疑和主力缺陣的情況下，順利勝出


Tue. 8 20:45 UK 利物浦 v 阿仙奴︰打和

一般而言，首回合勝出的球隊，在戰術佈署方面相當有利
由於阿仙奴於首回合已取得優勢，因此無需急於進攻，加上作客的關係，打法會傾向較保守
相信阿仙奴會以不失球為目標，所以打和的機會頗高
順帶一提，以往阿仙奴在歐聯兩回合制的賽事中，通常都以一勝一和的姿態出線，看看阿仙奴會否故技重施

Wed. 2 20:45 UK 阿仙奴 v 利物浦 ：和波
簡評：阿仙奴主場一向比較強,但係上場對保頓好多時間都打少一個,下半場絕地反擊,難免體力上會較大消耗
利物浦目標取得作客入球,到次回合較好踢
我估呢場會1-1

Sat. 5 12:45 UK 阿仙奴 v 利物浦 ：阿仙奴贏
簡評：利物浦領隊賓尼迪斯已經將目標改做頭4,上場聯賽贏左同市球隊愛華頓,相信聯賽第4既位置都穩坐
呢場好大機會留力主場對阿仙奴,另一邊阿仙奴當然唔會放棄聯賽冠軍,呢一場我相信阿仙奴會贏
Tue. 8 20:45 UK 利物浦 v 阿仙奴 ：和波
簡評：聯賽方面要贏冠軍既機會唔太高,利物浦一定會係歐聯更專心,賓尼迪斯歐聯既成績唔錯
我相信利物浦會守住對方,我估0-0

Wed. 2 20:45 UK 阿仙奴 v 利物浦 ：阿仙奴win
簡評：兩日前阿仙奴少踢一人奇蹟反勝保頓,而且阿仙奴好似5年未係銳步贏過保頓,士氣必定大振,料阿仙奴可以借此強勢乘勝追擊

Sat. 5 12:45 UK 阿仙奴 v 利物浦 ：和局
簡評：姑勿論場首回合歐聯賽果如何,呢場聯賽都應該係兩隊既調整期,多數會收番幾個主力,因為預料兩邊領隊都會以歐聯為先,實力接近下故推和局

Tue. 8 20:45 UK 利物浦 v 阿仙奴 ：阿仙奴win
簡評：呢場之所以估阿仙奴贏既原因純粹係暫時仲未有人估〔阿-和-阿〕組合,呢場乜野數據都無真係好難估,唯有揀個無人揀黎博大霧

Wed. 2 20:45 UK 阿仙奴 v 利物浦 ：利物浦贏
簡評：利物浦有Gerrard同Torres...加上以賓尼迪斯的盃賽領軍經驗......利物浦贏

Sat. 5 12:45 UK 阿仙奴 v 利物浦 ：阿仙奴贏
簡評：其實聯賽利物浦爭標的希望微乎其微,而阿仙奴就會爭聯賽多d la......

Tue. 8 20:45 UK 利物浦 v 阿仙奴 ：利物浦贏
簡評：阿仙奴博完聯賽,無咁好力同利物浦爭,而且利物浦多阿仙奴咁多人